Дар муассисаи давлатии Маркази ҷавонони Вилояти Мухтори Кӯҳистони Бадахшон ва Донишгоҳи давлатии Хоруғ ба номи М. Назаршоев (ДДХ) бо ширкати хонандагон ва донишҷӯёни вилоят озмуни иншои беҳтарин баргузор гардид.

Дар озмун беҳтарин толибилмону муҳассилини вилоят ширкат намуда, ғолибони он муайян шуданд.

Аз миёни донишҷӯён Шамсия Миракова, донишҷӯйи курси 4 - и факултаи филологияи Донишгоҳи Хоруғ сазовори ҷойи аввал, Дилноза Саидисрибова, донишҷӯйи курси 2 – и факултаи филологияи ДДХ ҷойи дуюм ва Давлатмо Мамадназарова, донишҷӯйи курси яки факултети математикаи Донишгоҳ зинаи сеюмро ишғол намуданд.

Дар миёни хонандагон бошад, Адолат Азорабекова, хонандаи синфи 10 – и МТМУ № 9 – и шаҳри Хоруғ зинаи якум, Гулистон Қурбонбекова, толибаи синфи 9 –и Мактаби Президентии шаҳр ҷойи дуюм ва Турдиева Манижа, хонандаи синфи 11 – и Мактаб - литсейи Оғохон ҷойи сеюмро соҳиб шуданд.