ҶАВОНОН
Ҷумъа 04 Декабр 2020 06:49
7394
Имрӯз, 1 октябр ба муносибати гусели навдаъватшудагон ба сафи Қувваҳои Мусаллаҳи Ҷумҳурии Тоҷикистон дар майдони Исмоили Сомонии шаҳри Хоруғ ҷамъомади тантанавӣ баргузор гардид.

Дар чорабинӣ раиси Вилояти Мухтори Кӯҳистони Бадахшон Ёдгор Файзов, роҳбарияту кормандони ниҳодҳои қудратӣ, мақомоти иҷроияи маҳаллии ҳокимияти давлатии шаҳр, сокинону волидони наваскарон, устодону донишҷӯёни Донишгоҳи давлатии Хоруғ ба номи Моёншо Назаршоев ва муаллимону хонандагони МТМУ – и маркази вилоят иштирок карданд.

Раиси вилоят Ёдгор Файзов зимни суханронӣ ба ин муносибат қайд кард: “Соли дуюм аст, ки ҷавонписарони бонанги вилоят худихтиёрона ва бо сари баланд ба хизмати ҳарбӣ рафта, қарзи фарзандии хешро ба ҷо меоранд ва ин боиси ифтихори ҳамаи сокинони вилоят аст”.

Сипас барномаи консертӣ доир гардида, беҳтарин ҳофизони вилоят дар он сурудхонӣ карданд.
Ба иттилои масъулини Комиссариати ҳарбии вилоят даъвати навбатӣ дар ВМКБ 103 фисад иҷро шудааст.

Эзоҳи худро нависед



Рамзҳо дар расм