Дар муассисаи давлатии "Маркази ҷавонони ВМКБ" директори клуби соҳибкорони ҷавон Дилшод Ҷӯраев ва сардори Раёсати кор бо ҷавонон ва варзиши вилоят Сураҷ Чоршанбиев барои соҳибкорони ҷавон тренинги омӯзишӣ гузарониданд.

Тренинг бо ибтикори Кумитаи кор бо ҷавонон ва варзиши назди Ҳукумати кишвар дар ҳамкорӣ бо Созмони Милали Муттаҳид оид ба рушд ва Клуби мазкур пиёда гардида, дар он асосан перомуни соҳибкорӣ ва бизнес - идея, дастгириҳои Ҳукумати кишвар барои соҳибкорони ҷавон ва имтиёзҳо баҳри ҷавонон гуфта шуд.

Қайд шуд, ки ба туфайли чунин ҳамкориҳои судманд теъдоди зиёде аз ҷавонони вилоят соҳиби ҷойи кор ва шуғли муносиб гашта, баҳри коҳиши сатҳи бекорӣ миёни ҷавонон минбаъд ҳам тадбирҳои иловагӣ аз ҷониби Ҳукумати мамлакат роҳандозӣ мешаванд.