Раёсати кор бо ҷавонон ва варзиши вилояти Хатлон дар якҷоягӣ бо Хадамоти пешгирии ҳуқуқвайронкунӣ миёни ноболиғону ҷавонони РВКД дар вилоят, раёсати кор бо занон ва оила, шуъба оид ба корҳои дин ва шуъбаи асноди ҳолати шаҳрвандии вилоят миёни намояндагони табақаҳои гуногуни аҳолӣ вохурӣ баргузор намуд.

Тавре ки Хатича Бекова, мудири бахши ҳуқуқи кӯдакони Мақомоти иҷроияи ҳокимияти давлатии вилояти Хатлон иттилоъ дод, дар рафти чорабинӣ масъулин дар мавзуъҳои рафти иҷрои Қонуни Ҷумҳурии Тоҷикистон дар бораи “Масъулияти падару модар дар таълиму тарбияи фарзанд”, “Танзиму анъана ва ҷашну маросимҳо” ва “Озодии виҷдон ва иттиҳодияи динӣ” суханронӣ намуда, иштирокчиёни вохӯрӣ оиди масъалаҳои пешгирии нашъамандӣ ва зарари он ба ҷомеа, сари вақт аз муоинаи тиббӣ гузаронидани кӯдакон ҷиҳати пешгирӣ намудани бемориҳо, аз қайди шуъбаҳои САҲШ гузаштан барои гирифтани шаҳодатномаи таваллуд маълумот гирифтанд.
  
Таъкид гардид, ки мақсад аз баргузории вохӯрӣ баланд бардоштани маърифати ҳуқуқии аҳолӣ мебошад.