Вобаста ба пешгирии омилҳои номатлуб миёни ҷавонону наврасон, баланд бардоштани масъулияти падару модар дар таълиму тарбияи фарзанд кормандони Раёсати Вазорати корҳои дохилӣ дар ВМКБ ва масъулини соҳаи кор бо ҷавонон ва варзиши вилоят бо наврасону ҷавонон мулоқот намуданд.

Ба иттилои сардори Раёсати кор бо ҷавонон ва варзиши вилоят Сураҷ Чоршанбиев чунин вохӯриҳои судманд дар Омӯзишгоҳи тиббии шаҳри Хоруғ ва МТМУ № 2 – и маркази вилоят рӯи кор омада, дар онҳо асосан масоили таҳкими тарбияи ватандӯстии ҷавонон, амалан риоя намудани Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, зиёд кардани аъзоёни филиали Иттифоқи ҷавонони Тоҷикистон ва сармашқи ҳаёти хеш қарор додани дастуру ҳидоятҳои Пешвои миллат муҳтарам Эмомалӣ Раҳмон баррасӣ шуданд.

Ба гуфтаи манбаъ рӯзҳои наздик чунин суҳбатҳо дар дигар муассисаҳои таълимии шаҳру ноҳияҳои вилоят ҳам мегузаранд.