Тибқи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Раёсати кор бо ҷавонон ва варзиши вилояти Суғд тасмим гирифт, ки аёдати афсарону сарбозони қисми низомии Қӯшунҳои сарҳадии ноҳияи Шаҳристонро ташкил намояд.

Дар рафти аёдат сардори Раёсати кор бо ҷавонон ва варзиши вилоят, Каримзода Мирзоқосим ба сарбозони шуҷоъ таъкид намуд, ки Қӯшунҳои сарҳадиро мисли дигар ҷузъу томҳои Қувваҳои Мусаллаҳ дар давраи хеле вазнину ҳассоси таърихи кишварамон дар замоне, ки одитарин шароит ва заминаи моддиву техникӣ вуҷуд надошт, ташкил карданд. Имрӯз бо қаноатмандиву ифтихор метавон гуфт, ки Қӯшунҳои сарҳадии мо ба ҳайси яке аз дастовардҳои бузурги замони соҳибистиқлолӣ ҳоло ба як сохтори муташаккил, муназзам ва боэътимоди ҳифзи марзу буми Ватан табдил ёфтааст.