Масъулини Бахши кор бо ҷавонон ва варзиши ноҳияи Роштқалъа бо сокинону ҷавонон ва омӯзгорони ҷамоати Қурбоншоҳ Гадолиев мулоқот намуданд.

Зуҳро Муллоҳукматова, мудири бахш гуфт, ки ин вохӯрӣ дар МТМУ – и № 9 деҳаи Хичордеф гузаронида шуда, дар он оид ба пешгирии ВНМО, шомилшавии ҷавонон ба ҳар гуна ҳизбу ҳаракатҳои ифротгаро, нашъамандӣ ва дигар масъалаҳо сухан рафт.

Сипас бо иқдоми бахш дар ҷамоат аксияи “Биёед, китоб хонем!” рӯи кор омад, ки дар он қариб ҳамаи хонандагони мактаб фаъолона ширкат карданд.

Ҳамзамон, иштирокдорон аз осорхонаи Шоири Халқии Тоҷикистон шодравон Ширин Бунёд, ки дар деҳаи мазкур ҷой гирифтааст, боздид ба амал оварданд.