Ба муносибати Рӯзи Президенти Ҷумҳурии Тоҷикистон масъулини Бахши кор бо ҷавонон ва варзиши ноҳияи Ванҷ дар ҳамкорӣ бо Бахши кор бо занонон ва оилаи ноҳия байни ҷавонони ҷамоати Маҳмадулло Абдуллоев суҳбату вохӯриҳо доир намуданд.

Дар ин бора Масрур Ғайратов, мудири Бахши кор бо ҷавонон ва варзиши ноҳия хабар дода гуфт, ки чунин мулоқотҳо дар мавзӯи “Ҷавонон – пайрави Пешвои миллат” бо иқдоми Бахш роҳандозӣ гардида, ҳадаф аз баргузории онҳо дарку эҳсоси ҳувияти миллӣ, арҷгузорӣ ба нуфузу эътибори фарзанди фарзонаи миллат, Пешвои миллат, муҳтарам Эмомалӣ Раҳмон, эҳтироми хизматҳои шоистаи ӯ дар таҳкими сулҳу суботи комил ва мақому манзалати Президенти мамлакат дар ҷомеа мебошад.

Дар назар аст, ки чунин вохӯриҳо дар ҳамаи ҷамоатҳои деҳоти ноҳия доир шаванд.