Бо ҳадафи амалисозии “Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2011 – 2020” ва пешгирии паҳншавии бемории ВНМО/АНМО (ВИЧ/СПИД) дар байни аҳолӣ ризокорони Донишгоҳи давлатии Хоруғ ба номи Моёншо Назаршоев ва кормандони Ҷамъияти Ҳилоли Аҳмари Тоҷикистон бо муҳассилини донишгоҳ суҳбату вохӯриҳо анҷом доданд.

Тавре мудири Шуъбаи кор бо ҷавонони донишгоҳ Дидоршоҳ Насридинов иттилоъ дод, зимни мулоқот маълумоти лозима дар хусуси пешгирии роҳҳои паҳншавии ВНМО/БНМО, нашъамандӣ ва усулҳои асосии интихоби тарзи ҳаёти солим ба донишҷӯён дода шуд.

Баъдан байни ҷавонон бозии викторина гузаронида шуда, ба иштирокчиёни фаъол аз тарафи масъулин туҳфаҳо тақдим гардид.