ҶАВОНОН
Шанбе 20 Апрел 2024 08:33
Он боре ҳам таблиғ нашудааст
Имрӯз нафареро пайдо кардан душвор аст, ки доир ба барномаи компютерии WhatsApp маълумот надошта бошад. Бовар дорем, ки ҳар нафари дуюм аз ин хизматрасонии муоширатӣ истифода намудааст. Мо ҳамарӯза тавассути ин шабака 50 миллион СМС мефиристему боре наандешидаем, ки он чӣ гуна тавлид ёфтаву бунёдгузораш кист. WhatsApp асосгузораш Ян Кумро ба шахси сарватманд ва муваффақи олам табдил дод. Ӯ баъди М. Сукерберг нафари дуюми бонуфуз дар Facebook мебошад.
ЯН КУМ КИСТ?
Ян Кум зодаи Украина буда, дар Фастов - яке аз шаҳрчаҳои назди Киев ба дунё омадааст. Оилаи онҳо рӯзгори қашшоқонае ба сар мебурд: модараш хонашин буду падараш сохтмончӣ. Давраҳое буданд, ки оилаи онҳо куллан бе гармиву бе барқ мемонд, чунки барои пардохти ҳаққи чунин хизматрасониҳо маблағ намеёфтанд. Аз хурдӣ аз падар ятим монд. Чун аксари тоҷирони муваффақ Ян низ чунин меандешад, ки маҳз кӯдакии душвору пурриёзат барои шахсият, мутахассис, ташкилотчӣ ва тоҷири муваффақ шудани ӯ кӯмак намудааст. Оилаи онҳо, ки аслан яҳудинажод буд, аз рӯи зарурат ҷилои Ватан намуда, ба ИМА кӯч баст...
ФАҚРУ НОДОРӢ ВА МУҲИТИ НОСОЗГОР
Гарчанде бо кӯмаки як барномаи иҷтимоӣ оилаи Кум соҳиби хонаи хурдакак гардид, вале фақру нодорӣ ва нобарорӣ ҳанӯз ҳам дар ҳама ҷабҳаҳо дунболагири онҳо буд. Барои рӯзгузаронӣ Кум дар мағозае ба ҳайси фаррош ба кор даромад ва ҳамзамон таҳсил менамуд. Баъди чанд муддат модари Ян бар асари бемории саратон фавтид.
Ян ба муҳити бегона бо душворӣ одат менамуд, ӯро бетарафӣ ва муносибати хушку дурушти амрикоиҳо, ки аз сокинони хайрхоҳу раҳмдили Украина ба куллӣ фарқ мекарданд, нороҳат месохт.
ШАВҚ АГАР РАҲБАР ШАВАД...
Кум аз синни 18-солагӣ ба компютер ва барномасозӣ мароқ зоҳир намуд ва мустақилона ба омӯзиши ҳар гуна китобу дастурҳои таълимӣ машғул мешуд. Баъдан ӯ ба ҳайати яке аз гурӯҳҳои машҳури хакерӣ (қулфшиканҳо) шомил шуда, ба шикастани серверҳои ширкатҳои бузург машғул мешуд.
Ҳангоми таҳсил дар донишгоҳ Ян Кум бо Брайан Эктон шиносоӣ пайдо намуд, ки баъдан ӯ қобилияти фавқулодаи Янро пай бурда, ӯро барои кор дар ширкати Yahoo даъват намуд. Чунки кор дар ширкати Yahoo ин орзуи ҳар нафар буд ва он ҷо танҳо одамони хеле қобилиятнокро ба кор мегирифтанд.
Баъдан Ян ба хотири рушд додани худ ва малакаи худ донишгоҳро тарк намуд. Баъди якчанд сол ҷавонон дарк карданд, ки дар ширкати Yahoo пешрафту комёбии онҳо назаррас буда наметавонад ва тасмим гирифтанд, ки онро тарк карда, барои “парвоз”и минбаъдаи худ фазои “озодтар”-е ҷустуҷӯ мекунанд.
ГОМҲОИ НАХУСТИН БА ОЯНДА
Ян ба хубӣ дарк мекард, ки ширкатҳои иҷтимоӣ ояндаи хуб доранд. Ӯ зиёд мехост дар Facebook ба кор дарояд, вале он ҷо дархосташро рад намуданд.
Баъди чанд муддат Ян барои худ iPhone харид, ки он боиси пайдо шудани идеяи нав – таъсиси замимаи мобилӣ дар шакли мессенҷер гардид. Ҳамин тариқ, миллиардери оянда ба кор шуруъ намуд ва соли 2009 мессенҷери ҷадид тавлид ёфт, ки натавонист шуҳрате ба даст биёрад, чунки касе ба он эътиборе намедоду мароқ зоҳир намекард. Ян аз ин руҳафтода шуда буду қарор дод, ки аз ин амали худ даст хоҳад кашид, аммо Брайн ӯро аз ин раъйаш баргардонида таклиф намуд, ки каме интизор шавад. Дар iPhone амалиёти аҷиби маълумотҳои ошкоршуда пайдо шуд, ки ин боиси шуҳрат пайдо кардани WhatsApp дар миёни аҳолӣ гардид.
FACEBOOK WHATSAPP-РО ХАРИДОРӢ КАРД?
Соли 2014 ширкати Facebook ба WhatsApp таваҷҷуҳи хосса зоҳир намуд ва аз Ян Кум, ки замоне ӯро ба кор қабул накарда буд, хоҳиш намуд, ки ин замимаи мобилии худро ба ивази 19 миллиард доллар фурӯшад. Ин яке аз муомилоти пулии калонтарин дар индустрияи интернетӣ буд.
Аз ин ҳама ба хулосае омадан мумкин аст, ки Ян Кум дар ҳаёти худ нобарориву мушкилоти зиёдро паси сар намудааст, ки ӯро ноумед карда натавонистанд. Ӯ босубот роҳи худро идома дод ва танҳо тавассути боварӣ ба худ тавонист, ки хеле шахси комёб гардад.
ШУҲРАТИ WHATSAPP
WhatsApp – ин замимаи муқаррарии шабакаи иҷтимоӣ, ки аз сифр оғоз гардида, шуҳрати ҷаҳонгир пайдо намуд, бунёдгузори худро аз як фарди одӣ ба миллиардери маъруфи олам мубаддал гардонд.
WhatsApp бо сабаби камбуди маблағ ягон маротиба тавассути реклама таблиғ нашуда буд. Он нафароне, ки бо он сару кор доштанд, танҳо орзу мекарданд, ки ягон чизи мақбул ва дархӯри завқу хоҳиши муштариёнро таъсис диҳанд.
Даромади таҳиягарони мессенҷери мобилии WhatsApp аз ҳисоби содагӣ ва функсияҳои зарурии он буд.
Дар замони рушди босуръати технологияи муосир на ҳама вақт ихтирои велосипед ҳатмӣ аст, баъзан танҳо дарк кардан лозим аст, ки одамон ба чӣ бештар рағбат ва ниёз доранд.
Шаҳло Эшонова, “ҶТ”
Имрӯз нафареро пайдо кардан душвор аст, ки доир ба барномаи компютерии WhatsApp маълумот надошта бошад. Бовар дорем, ки ҳар нафари дуюм аз ин хизматрасонии муоширатӣ истифода намудааст. Мо ҳамарӯза тавассути ин шабака 50 миллион СМС мефиристему боре наандешидаем, ки он чӣ гуна тавлид ёфтаву бунёдгузораш кист. WhatsApp асосгузораш Ян Кумро ба шахси сарватманд ва муваффақи олам табдил дод. Ӯ баъди М. Сукерберг нафари дуюми бонуфуз дар Facebook мебошад.
ЯН КУМ КИСТ?
Ян Кум зодаи Украина буда, дар Фастов - яке аз шаҳрчаҳои назди Киев ба дунё омадааст. Оилаи онҳо рӯзгори қашшоқонае ба сар мебурд: модараш хонашин буду падараш сохтмончӣ. Давраҳое буданд, ки оилаи онҳо куллан бе гармиву бе барқ мемонд, чунки барои пардохти ҳаққи чунин хизматрасониҳо маблағ намеёфтанд. Аз хурдӣ аз падар ятим монд. Чун аксари тоҷирони муваффақ Ян низ чунин меандешад, ки маҳз кӯдакии душвору пурриёзат барои шахсият, мутахассис, ташкилотчӣ ва тоҷири муваффақ шудани ӯ кӯмак намудааст. Оилаи онҳо, ки аслан яҳудинажод буд, аз рӯи зарурат ҷилои Ватан намуда, ба ИМА кӯч баст...
ФАҚРУ НОДОРӢ ВА МУҲИТИ НОСОЗГОР
Гарчанде бо кӯмаки як барномаи иҷтимоӣ оилаи Кум соҳиби хонаи хурдакак гардид, вале фақру нодорӣ ва нобарорӣ ҳанӯз ҳам дар ҳама ҷабҳаҳо дунболагири онҳо буд. Барои рӯзгузаронӣ Кум дар мағозае ба ҳайси фаррош ба кор даромад ва ҳамзамон таҳсил менамуд. Баъди чанд муддат модари Ян бар асари бемории саратон фавтид.
Ян ба муҳити бегона бо душворӣ одат менамуд, ӯро бетарафӣ ва муносибати хушку дурушти амрикоиҳо, ки аз сокинони хайрхоҳу раҳмдили Украина ба куллӣ фарқ мекарданд, нороҳат месохт.
ШАВҚ АГАР РАҲБАР ШАВАД...
Кум аз синни 18-солагӣ ба компютер ва барномасозӣ мароқ зоҳир намуд ва мустақилона ба омӯзиши ҳар гуна китобу дастурҳои таълимӣ машғул мешуд. Баъдан ӯ ба ҳайати яке аз гурӯҳҳои машҳури хакерӣ (қулфшиканҳо) шомил шуда, ба шикастани серверҳои ширкатҳои бузург машғул мешуд.
Ҳангоми таҳсил дар донишгоҳ Ян Кум бо Брайан Эктон шиносоӣ пайдо намуд, ки баъдан ӯ қобилияти фавқулодаи Янро пай бурда, ӯро барои кор дар ширкати Yahoo даъват намуд. Чунки кор дар ширкати Yahoo ин орзуи ҳар нафар буд ва он ҷо танҳо одамони хеле қобилиятнокро ба кор мегирифтанд.
Баъдан Ян ба хотири рушд додани худ ва малакаи худ донишгоҳро тарк намуд. Баъди якчанд сол ҷавонон дарк карданд, ки дар ширкати Yahoo пешрафту комёбии онҳо назаррас буда наметавонад ва тасмим гирифтанд, ки онро тарк карда, барои “парвоз”и минбаъдаи худ фазои “озодтар”-е ҷустуҷӯ мекунанд.
ГОМҲОИ НАХУСТИН БА ОЯНДА
Ян ба хубӣ дарк мекард, ки ширкатҳои иҷтимоӣ ояндаи хуб доранд. Ӯ зиёд мехост дар Facebook ба кор дарояд, вале он ҷо дархосташро рад намуданд.
Баъди чанд муддат Ян барои худ iPhone харид, ки он боиси пайдо шудани идеяи нав – таъсиси замимаи мобилӣ дар шакли мессенҷер гардид. Ҳамин тариқ, миллиардери оянда ба кор шуруъ намуд ва соли 2009 мессенҷери ҷадид тавлид ёфт, ки натавонист шуҳрате ба даст биёрад, чунки касе ба он эътиборе намедоду мароқ зоҳир намекард. Ян аз ин руҳафтода шуда буду қарор дод, ки аз ин амали худ даст хоҳад кашид, аммо Брайн ӯро аз ин раъйаш баргардонида таклиф намуд, ки каме интизор шавад. Дар iPhone амалиёти аҷиби маълумотҳои ошкоршуда пайдо шуд, ки ин боиси шуҳрат пайдо кардани WhatsApp дар миёни аҳолӣ гардид.
FACEBOOK WHATSAPP-РО ХАРИДОРӢ КАРД?
Соли 2014 ширкати Facebook ба WhatsApp таваҷҷуҳи хосса зоҳир намуд ва аз Ян Кум, ки замоне ӯро ба кор қабул накарда буд, хоҳиш намуд, ки ин замимаи мобилии худро ба ивази 19 миллиард доллар фурӯшад. Ин яке аз муомилоти пулии калонтарин дар индустрияи интернетӣ буд.
Аз ин ҳама ба хулосае омадан мумкин аст, ки Ян Кум дар ҳаёти худ нобарориву мушкилоти зиёдро паси сар намудааст, ки ӯро ноумед карда натавонистанд. Ӯ босубот роҳи худро идома дод ва танҳо тавассути боварӣ ба худ тавонист, ки хеле шахси комёб гардад.
ШУҲРАТИ WHATSAPP
WhatsApp – ин замимаи муқаррарии шабакаи иҷтимоӣ, ки аз сифр оғоз гардида, шуҳрати ҷаҳонгир пайдо намуд, бунёдгузори худро аз як фарди одӣ ба миллиардери маъруфи олам мубаддал гардонд.
WhatsApp бо сабаби камбуди маблағ ягон маротиба тавассути реклама таблиғ нашуда буд. Он нафароне, ки бо он сару кор доштанд, танҳо орзу мекарданд, ки ягон чизи мақбул ва дархӯри завқу хоҳиши муштариёнро таъсис диҳанд.
Даромади таҳиягарони мессенҷери мобилии WhatsApp аз ҳисоби содагӣ ва функсияҳои зарурии он буд.
Дар замони рушди босуръати технологияи муосир на ҳама вақт ихтирои велосипед ҳатмӣ аст, баъзан танҳо дарк кардан лозим аст, ки одамон ба чӣ бештар рағбат ва ниёз доранд.
Шаҳло Эшонова, “ҶТ”
Хабарҳои дигар
Рӯзнома
Эзоҳи худро нависед