ҶАВОНОН
Шанбе 28 Ноябр 2020 04:14
7478
Зери ҳамин шиор дар Маҷмааи варзишии шаҳри Хоруғ аксияи умумиҷумҳуриявии Агентии назорати маводи нашъаовари назди Президенти Ҷумҳурии Тоҷикистон, Вазорати корҳои дохилии кишвар ва Раёсати кор бо ҷавонон ва варзиши Вилояти Мухтори Кӯҳистони Бадахшон бо унвони "Корвони зидди мухаддиротии 2020" баргузор гашт.

Дар чорабинӣ муовини раиси вилоят Назира Амирбекзода, сардори Шуъбаи пешгирии нашъмандӣ ва мубориза бо маводи мухаддири агентӣ Бозоралӣ Сафарализода, муовини сардори Раёсат кор бо ҷавонон ва варзиш Юсуф Асадбеков иштироку баромад намуданд.

Зикр гардид, ки аксия бо мақсади ҷалби ҳарчи бештари ҷавонону наврасон ба варзиш, аз байн бурдани нашъамандию нашъаҷаллобӣ ва таҳкими тарзи ҳаёти солим доир гардида, хушбахтона солҳои охир дар ташкилу баргузории чорабиниҳои ҳамсон соҳаи кор бо ҷавонон ва варзиши мамлакат нақши муассир дорад.

Ба гуфти Ю. Асадбеков соли равон аксияи "Корвони зидди мухаддиротии 2020" дар ноҳияҳои Дарвозу Ишкошим низ доир гашта, байни қишрҳои гуногуни ҷомеа, хосса ҷавонон мувофиқи ҳадаф ҳамовозӣ пайдо намуд. Барои ин, ба ташаббускорони чорабинӣ минбаъд ҳам лозим аст, ки онро дар сатҳи дигар шаҳру ноҳияҳои ҷумҳурӣ ҳам тарғибу ташвиқ карда, тамоми аҳолиро ба ҳаёти солим ҷалб намоянд.

Бояд зикр намуд, ки дар доираи аксия асосан бозиҳои волейбол, шоҳмоту шатранҷбозӣ доир шуда, ғолибон бо Ҷом, медал, ифтихорнома ва туҳфаҳои варзишӣ мушарраф гардиданд.


Эзоҳи худро нависед



Рамзҳо дар расм