ҶАВОНОН
Шанбе 04 Июл 2020 07:52
7009
Дар арафаи таҷлил аз Рӯзи ҷавонони Тоҷикистон як қатор кормандони Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз ҷониби Вазорати фарҳанги Ҷумҳурии Тоҷикистон бо нишони Аълочии фарҳанги Ҷумҳурии Тоҷикистон, Сипоснома ва Ифтихорномаи Вазорати фарҳанги Ҷумҳурии Тоҷикистон қадрдонӣ шуданд.

Бинобар сабаби вазъияти ба миёномада аз бемории сироятии Covid-19 нишону сипосномаҳоро Раҳмонзода Абдулло, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз номи вазири фарҳанги Ҷумҳурии Тоҷикистон тақдим намуданд.

Ҳамин тариқ Назарзода Ризо Шодӣ, муовини аввали раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Аҳмадзода Дилноза Даврон, муовини раиси кумита барои муваффақият ва комёбиҳои назаррас, тарғибу ташвиқ ҷиҳати рушду нумӯи соҳаи фарҳанг бо Сипоснома, Ализода Лутфулло, сардори шуъбаи таҳлил ва иттиллоот ва Нусратулло Маҳмудзода, мутахассиси пешбари Раёсати кор бо ҷавонон ва варзиш бо нишони Аълочии фарҳанги Ҷумҳурии Тоҷикистон, Шодихони Назар, сармуҳаррири рӯзномаи “Ҷавонони Тоҷикистон”, Шоҳзод Раҳимзода, сардори раёсати кор бо ҷавонон ва варзиши шаҳри Душанбе, Муҳсин Муродзода, сармутахассиси раёсати кор бо ҷавонон ва варзиши Кумита бо Ифтихорномаи Вазорати фарҳанг қадрдонӣ шуданд.

Абдулло Раҳмонзода зимни тақдими нишону сипосномаҳо таъкид намуданд, ки таваҷҷуҳ ба қишри ҷавони ҷомеа аз дастгириҳои Асосгузори сулҳу ваҳдати миллӣ - Пешвои муаззами миллат, Президенти кишвар муҳтарам Эмомалӣ Раҳмон маншаъ мегирад. Моро зарур аст, ки дар ҷавоб ба ғамхориҳои ҳамешагии Роҳбари давлат масъулияти бештар эҳсос намоему сазовори боварӣ ва эътимод бошем.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.