Зери ҳамин унвон бо ибтикори Бахши кор бо ҷавонон ва варзиши ноҳияи Рӯшон ва маъмурияти меҳмонхонаи маҳаллии “Шайдо” барои ҷавонону мутахассисони соҳаҳои гуногуни ноҳия курсҳои забони англисӣ ташкил гардиданд.

Дар ин бора Қаландар Давлатмамадов, мудири бахш иттилоъ дода гуфт, ки чунин курсҳо дар чаҳорчӯбаи лоиҳаи иноватсионӣ тариқи маводу усулҳои донишгоҳҳои Кембриҷ ва Оксфорди Англия ройгон роҳандозӣ шуда, ҷавонон мувофиқи озмун (мусоҳибаи озод) ба он ҷалб мегарданд.

Мавриди зикр аст, ки барои гузаронидани омӯзиши забонҳои хориҷӣ дар меҳмонхонаи мазкур ҳама гуна шароитхо фароҳам оварда шуда, инчунин мутахассисону омӯзгорон аз шаҳрҳои Лондони Англия ва Ню - Йорку Чикагои ШМА ҷалб гаштанд.