ҶАВОНОН
Якшанбе 05 Июл 2020 02:35
5853
Имрӯз дар меҳмонхонаи Хилтон вобаста ба муаррифии “Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2019 – 2021”, ки аз ҷониби Кумитаи кор бо ҷавонон ва варзиш таҳия гардидааст, ҷаласаи корӣ доир гардид.

Дар он Аҳтам Абдуллозода, раиси Кумитаи кор бо ҷавонон ва варзиш, Зайнаб–ал–Аззавӣ, муовини сардори намояндагии ЮНИСЕФ дар Ҷумҳурии Тоҷикистон, Ҳаҷиме Китаока, сафири фавқулодда ва мухтори Ҷопон дар Ҷумҳурии Тоҷикистон, шарикони рушд, намояндагони корпусҳои дипломатӣ, созмонҳои хориҷӣ, сафоратҳои Федератсияи Русия, Чин ва намояндагони сохтору зерсохторҳои КҶВ иштирок ва суханронӣ намуданд.

Аҳтам Абдуллозода, раиси Кумитаи кор бо ҷавонон ва варзиш, зимни суханронии худ қабули барномаи болозикрро амри зарурӣ ва дар шароити муосир ногузир хонда, онро васила ва заминаи такондиҳандае барои ояндаи дурахшони ҷавонони кишвар арзёбӣ кард.

- Имрӯз ҷавонони кишвар дар марҳилае кору зиндагӣ доранд, ки дар баробари фароҳам будани шароити мусоид ҷиҳати худтакмилдиҳӣ ва инкишоф, як қатор мушкилотҳое низ садди роҳи зиндагии онҳо гаштааст. Дар ин замина метавон масъалаҳои вобаста ба мустақилияти иқтисодии ҷавонон, рушди соҳибкорӣ миёни онҳо, баланд бардоштани маърифати ҳуқуқӣ, ҳисси ватандӯстиву ватанпарастӣ, иштироки ҷавонон дар ҳаёти иҷтимоиву иқтисодӣ, шуғлнокии ҷавонон, таҳсилоти муносиб барои ҷавонон, таъминоти иҷтимоии ҷавонон, дастгирии ташаббуси иттиҳодияҳои ҷамъиятии ҷавонон, мусоидат ба рушди ҳаракати ҷамъиятии ҷавонон, ташаккули тарзи ҳаёти солим миёни насли наврас ва дигар мушкилоти бисёр муҳими ҷавононро мисол овард. Яке аз хусусиятҳои муҳими Барномаи мазкур дар он аст, ки самтҳои асосӣ бо дарназардошти талаботи замон ва ҷомеаи муосир тарҳрезӣ гардидааст, - гуфт дар идома Аҳтам Абдуллозода.

Зайнаб-ал-Аззавӣ, муовини сардори намояндагии ЮНИСЕФ дар Ҷумҳурии Тоҷикистон дар рафти суҳбат қайд кард, ки ЮНИСЕФ омодааст, барои дастгирии чунин барномаҳо ва лоиҳаҳо саҳми хешро гузорад. Ӯ гуфт: “Тоҷикистон дар арсаи созмонҳои байналмилалӣ ҳамчун кишвари дар ҳоли рушд қарордошта шинохта шудааст ва дар ин замина мо омадаем, татбиқи кулли барномаҳои судманд барои кӯдакону ҷавонони Тоҷикистонро дастгирӣ намоем”. 

Далноза Аҳмадзода, муовини раиси Кумитаи кор бо ҷавонон ва варзиш дар мавзӯи “Татбиқи сиёсати давлатии ҷавонон дар Ҷумҳурии Тоҷикистон: имкониятҳо, ҳолатҳо ва дурнамо” суханронӣ намуда, қайд кард, ки дар ин замина Ҳукумати Ҷумҳурии Тоҷикистон ҷиҳати бартараф сохтани мушкилоти ҳаётии ҷавонон ва мусоидат ба мутобиқшавию рушду такомули онҳо пайваста чораҳои зарурӣ меандешад. 

Номбурда дар идома афзуд, қабули Барнома аз қабили ин тадбирҳо буда, бо дарназардошти талаботи муосир, дастовардҳои илму техника, таҷрибаи пешрафтаи иқтисодию идоракунӣ, ҳифзи манфиатҳои миллӣ ва амнияти давлатӣ таҳия гардидааст.
Дар охир миёни иштирокчиёни ҷаласа мубодилаи афкор сурат гирифт.

Ёдовар мешавем, ки ҳаҷми умумии маблағгузории барномаи зикршуда, 10 миллиону 891 ҳазор сомониро ташкил дода, аз ҳисоби буҷети ҷумҳуриявӣ ва дигар манбаъҳое, ки қонунгузории кишвар манъ накардааст, амалӣ карда мешавад.

01.jpg03.jpg

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.