Имрӯз ба хотири бистумин солгарди фаъолияти Бойгонии марказии Раёсати корҳои Фармондеҳии Гвардияи миллӣ дар толори Гвардияи миллии Ҷумҳурии Тоҷикистон конфронсияи илмӣ - назариявӣ баргузор гардид.

Дар конфронсияи мазкур, муовини Фармондеҳи Гвардияи миллии Ҷумҳурии Тоҷикистон полковники Гвардияи миллӣ Аҳмадзода Баҳриддин, Раҳмонқул Шарифзода, профессори соҳаи ҳуқуқ дар Вазорати адлияи Ҷумҳурии Тоҷикистон, Рустам Обидов, сарбойгонишиноси филиали Бойгонии марказии давлатии Ҷумҳурии Тоҷикистон, омӯзгорон ва донишҷӯёни кафедраи таърихнигорӣ ва архившиносии факултети таърихи Донишгоҳи миллии Тоҷикистон ва намояндагони дигар идораҳо иштирок ва суханронӣ намуданд.

Муовини Фармондеҳи Гвардияи миллӣ зимни суханронии худ гуфт, ки “ҳамаи иштирокчиён ва корммандони ин соҳаро ба 20-солагии фаъолияти Бойгонӣ табрик намуда, ифтихор аз он мекунам, ки дар Раёсати корҳои Фармондеҳии Гвардияи миллӣ маркази мазкур давоми 20 соли охир фаъолият хуби худ нишон дод. Зеро хазинаи бойгонии миллӣ қисми таркибии осори таърихӣ ва фарҳангии ватанию ҷаҳонӣ, ҳамчунин захираи иттилоотии ҷомеа буда, ба таркиби он, сарфи назар аз навъ, ҷои таъсис ва шакли моликият маҷмуи хуҷҷатҳое дохил мешаванд, ки дар Ҷумҳурии Тоҷикистон ва берун аз ҳудуди он маҳфуз мебошанд ва таърихи ҳаёти маънавию моддии халқҳоро инъикос намуда, арзиши илмӣ ва таърихию фарҳангӣ доранд”.

Гуфта шуд, ки соҳаи бойгоншиносӣ аз соҳаҳои басо муҳими ҷомеаи башарӣ, пеш аз ҳама Тоҷикистони азизи мо ба ҳисоб меравад ва бойгоншинос нафарест, ки дар тамоми корхонаву муассисаҳои мамлакат соҳиби рисолати бузург ва касбу кори арзандааст.

Ба таъкиди масъулини чорабинӣ ҳадаф аз баргузории конфронс дар руҳияи ватандӯстӣ, хештаншиносӣ ва ҷавонмардиву ахлоқи ҳамида ба воя расонидани хонандагону донишҷӯён, ҷалб ва омода намудани мутахассисони соҳаи байгоншиносӣ мебошад.

Дар фарҷоми конфронс аз ҷониби сардори Бойгонии марказии Раёсати корҳои Фармондеҳи Гврдияи милиӣ ба иштирокчиён туҳфаҳои хотиравӣ тақдим карда шуд.

Наҷиба МУРОДБЕКОВА, “ҶТ”