МУАЛЛИФ: МАШҲУР ИМОМНАЗАРОВ

Феълан мушкили асосии корхонаи фаръии воҳиди давлатии «Поҷтаи тоҷик» дар ВМКБ сари вақт дастрас нагардидани рӯзномаву маҷалла ва мактубҳо аз шаҳри Душанбе ба вилоят мебошад.

Тавре Маъруф Шониёзов, сардори корхона зимни нишасти хабарӣ изҳор дошт, имсол сокинони вилоят ба 37 ҳазор рӯзномаву маҷалла обуна шуданд. Лекин ҷиҳати надоштани нақлиёти худӣ, кормандони почтаи вилоят маҷбуранд, ки фиристодани номгӯи рӯзномаву маҷаллаҳоро ба вилоят тавассути нақлиёти боркашонии калонҳаҷм ба роҳ монанд. Бинобар ин, нашрияҳо муддати се рӯз ва ҳатто дертар дастраси хонандагон мегардад.

Бояд қайд кард, ки фиристодани рӯзномаву маҷаллаҳои даврӣ дар ноҳияҳои Дарвоз, Ванҷ ва шӯъбаи алоқаи Сағирдашт ҳафтае ду-се маротиба ба роҳ монда шудааст.