Хабарҳои кӯтоҳ
Якшанбе 17 Ноябр 2024 04:13
Ифротгароёни наҳзатӣ бо якчанд созмонҳои таъсисдодаи сунъиву дурӯғини террористии худ, ки ташкилоти ба ном ПМТ яке аз онҳост, алайҳи мавқеи ниҳодҳои давлатӣ ва Ҳукумати кишвари мо қарор гирифтаанд. Ин гурӯҳи тундрави сиёсӣ ба миллату давлати тоҷик ҳеҷ иртиботи мазмунию моҳиятӣ надоранд ва ифодагари рӯҳияи миллӣ, арзишҳои миллӣ, фазои миллӣ ва мафкураи мардумӣ нестанд. Онҳо бо роҳу воситаҳои гуногун, аз ҷумла бо пойгоҳҳои иттилоотиашон дар ҳамкорӣ бо баъзе расонаҳои манфиатҷӯи хориҷӣ, ки аксаран таҳти садои доираи наҳзатӣ мерақсанд, бо мақсади тира кардани фазои афкори омма дар Тоҷикистон ва заиф нишон додани мавқеи ниҳодҳои давлатӣ то ҳол фаъолият доранд. Ин хоинон бо мақсади пиёда намудани ғояҳо ва амалӣ намудани манфиатҳои коргардонҳояшон аз тамоми роҳу воситаҳои имкондошта истифода бурда, арзишҳои муқаддасе чун Ватану модар, истиқлолу ваҳдатро поймол мекунанд, ҳол он ки ин арзишҳо бояд барои тамоми афроду ниҳодҳои ҷомеаи мо дар ҳама маврид аз ҳама арзишҳои дигар афзалтар ва муқаддамтар бошанд. Воқеан ҳам, ПМТ ҳамчун дастнишондаи ТЭТ ҲНИ аз реша ва бунёд назароти маҳдуди ғайримиллӣ ва зиддиинсонӣ дошт, вале мазмуну моҳияти аслии худро имрӯзҳо мехоҳад, ки дар либоси мафоҳими демократӣ пинҳон намуда, бо корбурди тамоми имконот барои расидани ҳадафҳои худ, яъне манофеи сирф гурӯҳиаш, талош варзад.
Наҳзатиён, ки қаблан ба ҷамъоварии молу сарват машғул буданду феълан низ дар хориҷи кишвар ба василаи дурӯягиву ҳилагарӣ дар паи ҷамъоварии сарватанд, дар зоҳир худро комилан ба шевае дигар ҷилва медиҳанд ва мехоҳанд мардум онҳоро ҳамчун афроди росткору ҳақиқатҷӯ донанд ва ташкилоташонро ҳамчун ниҳоди арзишмеҳвар тасаввур кунанд. Ҳамчунин намоишкорона аз минбари ҳамоишҳову васоити ахбори омма ба ҳайси намояндаи мардуми кишвар изҳори назар карданро меписанданд, аммо дар паси парда кори дигар мекунанд.
Хоинони наҳзатӣ, ки солиёни дароз бо ҳилаву найранг бахше аз ҷомеаи кишварро гумроҳ кардаву ба тавтеа кашониданд, ба миллату ватану дину мазҳаби худ хиёнат карданд, акнун мехоҳанд бо ҳамон услуб ҷомеаи ҷаҳонро фиреб диҳанд ва гӯл зананд. Бо вуҷуди даст доштан дар ҷиноятҳои мудҳиши ҷанги шаҳрвандии кишвар, зомини марги беш аз 150 ҳазор шаҳрванди бегуноҳ шудан ва даст задан ба амалҳои зиёди террористӣ, айни ҳол маккорона ва риёкорона бе ягон хиҷолат дар сатҳи бархе созмонҳои байналмилалии ба ном “фурсатталаб” ҳамчун ҷонибдору ҳомии ҳуқуқ ва ҷомеаи мардумсолор роҷеъ ба адолати иҷтимоӣ дар Ҷумҳурии Тоҷикистон садо баланд мекунанд.
Хушбахтона, сол то сол чеҳраи аслии ин риёкорони хоин, ки дар ҷавҳарашон ғояҳои зиддиинсонӣ реша давонидааст ва ба зиндагии озодонаву дунявии инсон ҳеҷ арзише қоил нестанд, чӣ дар сатҳи дохил ва чӣ дар сатҳи берун аз он боз ҳам фоштар гардида истодааст. Масалан, тайи солҳои охир дар шабакаҳои иҷтимоӣ дигар кам нафарон ба дурӯғҳои бофтаи онҳо рӯй меоваранд ва баръакс, ҳатто бархе аз шахсони огоҳу миллигаро дар коментҳову шарҳҳои худ онҳоро накӯҳишу маҳкум менамоянд. Дар умум, сол то сол ин гумроҳон мавқеи худро дар шабакаҳои иҷтимоӣ бинобар интишори маълумотҳои беасосу бардурӯғи худ, ки бар зидди миллат равона шудаанд, аз даст дода истодаанд. Мисол, миқдори тамошои ин ё он сабтҳои видиоашон камтар аз ҳазортост, ки ин миқдор аслан аз ҳисоби тамошо намудани бархе аз ҳаммаслакони худи онҳо ба вуҷуд омадааст.
Инчунин созмонҳои муътабари байналмилалӣ аз қабили Созмони ҳамкориҳои Шанхай, Паймони амнияти дастаҷамъӣ ва Иттиҳоди давлатҳои мустақил ва ғайраҳо номи ТЭТ ҲНИ-ро ҳамчун ташкилоти террористӣ эътироф карда, номи аъзои онро ба рӯйхатҳои сиёҳи худ дохил кардаанд. Бо Қарори Кумитаи котибони Шӯрои амнияти Паймони амнияти дастаҷамъӣ ТЭТ ҲНИ ба феҳристи ташкилотҳои террористӣ ва экстремистие дохил карда шудааст, ки дар ҳудуди кишварҳои аъзои ин паймони бонуфуз фаъолияти онҳо мамнӯъ аст. Ҳамчунин ТЭТ ҲНИ дар рӯйхати ташкилотҳои террористӣ ва ҷинояткори Иттиҳоди давлатҳои мустақил низ дохил карда шудааст ва шумораи кишварҳое, ки ин ташкилоти ифротиро террористӣ ва мамнӯъ мешиносанд, зиёд гардида истодааст.
Созмонҳои номбаршуда, ки ТЭТ ҲНИ-ро террористӣ ва экстремистӣ эътироф кардаанд ва дар паҳлӯи давлат ва мардуми Тоҷикистон истодаанд, дарк мекунанд, ки ин ташкилот дар ҳолати ҷойи пой доштан дар Тоҷикистон метавонад терроризми байналмилалиро аз Афғонистон ба дигар кишварҳои минтақа интиқол диҳад. Чунин равиши ҳаводисро ягон созмони байналмилалӣ ва ягон кишвари демократӣ қабул карда наметавонад. Танҳо он кишварҳои манфиатталабе метавонанд пуштибони ТЭТ ҲНИ, ДИИШ ва ё Ихвоналмуслимин бошанд, ки ҳукуматҳои зиддимардумӣ доранд ва аз муваффақиятҳои дигар кишварҳои демократӣ хушнуд нестанд. Аммо чунин кишварҳо ва чунин созмонҳо зиёд нестанд. Дар баробари ҷаҳони мутамаддин онҳо нотавон буда, ҳаргиз наметавонанд мақсадҳои шумашонро дар хориҷ аз қаламрави худ пиёда созанд.
Ҷумҳурии Тоҷикистон ба гурӯҳи кишварҳои демократии эътирофшуда дохил мешавад, ки ҷаҳони мутамаддин пуштибон ва шарики он аст. Пуштибонии созмонҳои номбаршуда ва кишварҳои аъзои он аз кишвари мо дар мавриди мубориза бо терроризми наҳзатӣ делели ин гуфтаҳост.
Гурӯҳҳои ифротие ба монанди ПМТ ва ТЭТ ҲНИ аслан ягон кишвари дорои низоми демократиро сидқан қабул надоранд. Ташкили созмону ҳаракатҳои мазҳабӣ аз ҷумла ПМТ ва ТЭТ ҲНИ маҳз барои шикаст додани давлати дунявӣ ва бунёди давлати мустабиди теократӣ дар кишвари мо талош мекунанд. Агарчи ТЭТ ҲНИ феълан фақат дар Тоҷикистон ҷиноят содир кардааст, аммо кӣ медонад, ки агар онҳо дар кишвари мо ба шикаст мувоҷеҳ намешуданд ва қувват мегирифтанд, одамони худро ба кадом кишварҳо равон мекарданд? Онҳо аллакай дар ин масъала таҷриба доранд маълум гардидааст, ки чӣ тавр наҳзатиён ба Сурияву Ироқ рафта ҷиноят содир кардаанд. Раванди ҷаҳонишавии муосир нишон медиҳад, ки созмон, ҳизбу ҳаракатҳои мазҳабӣ ба амнияти миллии тамоми кишварҳои дунё таҳдиду хатар эҷод мекунанд. Маҳз аз ҳамин ҳаводис ва далелҳо хулосагирӣ карда, созмонҳои байналмилалӣ ТЭТ ҲНИ-ро бе шарту қайд террористиву экстремистӣ эътироф кардаанд.
Дар иртибот ба фаъолиятҳои зиддимиллии наҳзатиён нисбати миллату шаҳрвандони кишвар чеҳраи воқеии ин фирориёни беватан ҳам дар байни омма ва ҳам дар назди ташкилотҳои байналмилалӣ шинохта шуда истодааст. Чун наҳзатиён ба монанди дигар ҳизбу ҳаракатҳои мазҳабӣ, аз қабили “Ал – Қоида”, ДИИШ, “Ҷабҳат – ан – нусра”, “Ихвон – ал – муслимин” ба амнияти саросарии тамоми кишварҳои ҷаҳон хатар эҷод менамоянд, ин ниҳоди хатарофари онҳоро мардуми огоҳи тоҷик ҳаргиз имкон нахоҳанд дод, ки дигарбора амну суботи ҷомеаи рӯ ба рушди моро ба чолиш кашанд.
Ардамеҳр АШУРОВ,
ходими калони илмии АИ ҶТ
Наҳзатиён, ки қаблан ба ҷамъоварии молу сарват машғул буданду феълан низ дар хориҷи кишвар ба василаи дурӯягиву ҳилагарӣ дар паи ҷамъоварии сарватанд, дар зоҳир худро комилан ба шевае дигар ҷилва медиҳанд ва мехоҳанд мардум онҳоро ҳамчун афроди росткору ҳақиқатҷӯ донанд ва ташкилоташонро ҳамчун ниҳоди арзишмеҳвар тасаввур кунанд. Ҳамчунин намоишкорона аз минбари ҳамоишҳову васоити ахбори омма ба ҳайси намояндаи мардуми кишвар изҳори назар карданро меписанданд, аммо дар паси парда кори дигар мекунанд.
Хоинони наҳзатӣ, ки солиёни дароз бо ҳилаву найранг бахше аз ҷомеаи кишварро гумроҳ кардаву ба тавтеа кашониданд, ба миллату ватану дину мазҳаби худ хиёнат карданд, акнун мехоҳанд бо ҳамон услуб ҷомеаи ҷаҳонро фиреб диҳанд ва гӯл зананд. Бо вуҷуди даст доштан дар ҷиноятҳои мудҳиши ҷанги шаҳрвандии кишвар, зомини марги беш аз 150 ҳазор шаҳрванди бегуноҳ шудан ва даст задан ба амалҳои зиёди террористӣ, айни ҳол маккорона ва риёкорона бе ягон хиҷолат дар сатҳи бархе созмонҳои байналмилалии ба ном “фурсатталаб” ҳамчун ҷонибдору ҳомии ҳуқуқ ва ҷомеаи мардумсолор роҷеъ ба адолати иҷтимоӣ дар Ҷумҳурии Тоҷикистон садо баланд мекунанд.
Хушбахтона, сол то сол чеҳраи аслии ин риёкорони хоин, ки дар ҷавҳарашон ғояҳои зиддиинсонӣ реша давонидааст ва ба зиндагии озодонаву дунявии инсон ҳеҷ арзише қоил нестанд, чӣ дар сатҳи дохил ва чӣ дар сатҳи берун аз он боз ҳам фоштар гардида истодааст. Масалан, тайи солҳои охир дар шабакаҳои иҷтимоӣ дигар кам нафарон ба дурӯғҳои бофтаи онҳо рӯй меоваранд ва баръакс, ҳатто бархе аз шахсони огоҳу миллигаро дар коментҳову шарҳҳои худ онҳоро накӯҳишу маҳкум менамоянд. Дар умум, сол то сол ин гумроҳон мавқеи худро дар шабакаҳои иҷтимоӣ бинобар интишори маълумотҳои беасосу бардурӯғи худ, ки бар зидди миллат равона шудаанд, аз даст дода истодаанд. Мисол, миқдори тамошои ин ё он сабтҳои видиоашон камтар аз ҳазортост, ки ин миқдор аслан аз ҳисоби тамошо намудани бархе аз ҳаммаслакони худи онҳо ба вуҷуд омадааст.
Инчунин созмонҳои муътабари байналмилалӣ аз қабили Созмони ҳамкориҳои Шанхай, Паймони амнияти дастаҷамъӣ ва Иттиҳоди давлатҳои мустақил ва ғайраҳо номи ТЭТ ҲНИ-ро ҳамчун ташкилоти террористӣ эътироф карда, номи аъзои онро ба рӯйхатҳои сиёҳи худ дохил кардаанд. Бо Қарори Кумитаи котибони Шӯрои амнияти Паймони амнияти дастаҷамъӣ ТЭТ ҲНИ ба феҳристи ташкилотҳои террористӣ ва экстремистие дохил карда шудааст, ки дар ҳудуди кишварҳои аъзои ин паймони бонуфуз фаъолияти онҳо мамнӯъ аст. Ҳамчунин ТЭТ ҲНИ дар рӯйхати ташкилотҳои террористӣ ва ҷинояткори Иттиҳоди давлатҳои мустақил низ дохил карда шудааст ва шумораи кишварҳое, ки ин ташкилоти ифротиро террористӣ ва мамнӯъ мешиносанд, зиёд гардида истодааст.
Созмонҳои номбаршуда, ки ТЭТ ҲНИ-ро террористӣ ва экстремистӣ эътироф кардаанд ва дар паҳлӯи давлат ва мардуми Тоҷикистон истодаанд, дарк мекунанд, ки ин ташкилот дар ҳолати ҷойи пой доштан дар Тоҷикистон метавонад терроризми байналмилалиро аз Афғонистон ба дигар кишварҳои минтақа интиқол диҳад. Чунин равиши ҳаводисро ягон созмони байналмилалӣ ва ягон кишвари демократӣ қабул карда наметавонад. Танҳо он кишварҳои манфиатталабе метавонанд пуштибони ТЭТ ҲНИ, ДИИШ ва ё Ихвоналмуслимин бошанд, ки ҳукуматҳои зиддимардумӣ доранд ва аз муваффақиятҳои дигар кишварҳои демократӣ хушнуд нестанд. Аммо чунин кишварҳо ва чунин созмонҳо зиёд нестанд. Дар баробари ҷаҳони мутамаддин онҳо нотавон буда, ҳаргиз наметавонанд мақсадҳои шумашонро дар хориҷ аз қаламрави худ пиёда созанд.
Ҷумҳурии Тоҷикистон ба гурӯҳи кишварҳои демократии эътирофшуда дохил мешавад, ки ҷаҳони мутамаддин пуштибон ва шарики он аст. Пуштибонии созмонҳои номбаршуда ва кишварҳои аъзои он аз кишвари мо дар мавриди мубориза бо терроризми наҳзатӣ делели ин гуфтаҳост.
Гурӯҳҳои ифротие ба монанди ПМТ ва ТЭТ ҲНИ аслан ягон кишвари дорои низоми демократиро сидқан қабул надоранд. Ташкили созмону ҳаракатҳои мазҳабӣ аз ҷумла ПМТ ва ТЭТ ҲНИ маҳз барои шикаст додани давлати дунявӣ ва бунёди давлати мустабиди теократӣ дар кишвари мо талош мекунанд. Агарчи ТЭТ ҲНИ феълан фақат дар Тоҷикистон ҷиноят содир кардааст, аммо кӣ медонад, ки агар онҳо дар кишвари мо ба шикаст мувоҷеҳ намешуданд ва қувват мегирифтанд, одамони худро ба кадом кишварҳо равон мекарданд? Онҳо аллакай дар ин масъала таҷриба доранд маълум гардидааст, ки чӣ тавр наҳзатиён ба Сурияву Ироқ рафта ҷиноят содир кардаанд. Раванди ҷаҳонишавии муосир нишон медиҳад, ки созмон, ҳизбу ҳаракатҳои мазҳабӣ ба амнияти миллии тамоми кишварҳои дунё таҳдиду хатар эҷод мекунанд. Маҳз аз ҳамин ҳаводис ва далелҳо хулосагирӣ карда, созмонҳои байналмилалӣ ТЭТ ҲНИ-ро бе шарту қайд террористиву экстремистӣ эътироф кардаанд.
Дар иртибот ба фаъолиятҳои зиддимиллии наҳзатиён нисбати миллату шаҳрвандони кишвар чеҳраи воқеии ин фирориёни беватан ҳам дар байни омма ва ҳам дар назди ташкилотҳои байналмилалӣ шинохта шуда истодааст. Чун наҳзатиён ба монанди дигар ҳизбу ҳаракатҳои мазҳабӣ, аз қабили “Ал – Қоида”, ДИИШ, “Ҷабҳат – ан – нусра”, “Ихвон – ал – муслимин” ба амнияти саросарии тамоми кишварҳои ҷаҳон хатар эҷод менамоянд, ин ниҳоди хатарофари онҳоро мардуми огоҳи тоҷик ҳаргиз имкон нахоҳанд дод, ки дигарбора амну суботи ҷомеаи рӯ ба рушди моро ба чолиш кашанд.
Ардамеҳр АШУРОВ,
ходими калони илмии АИ ҶТ
Рӯзнома
