Хабарҳои кӯтоҳ
Якшанбе 17 Ноябр 2024 01:10
Ширкати Victoria Harbour Group қарор додааст, барои сокинони Ҳонконг, ки аз номуайянии сиёсӣ ва эътирозҳои пайваста мондаю дилгир шудаанд, дар яке аз кишварҳои аврупоӣ шаҳр бунёд намояд. Аз ин хусус нашрияи The Telegraph иттилоъ додааст.
Нашрия навиштааст, ки кишвари Чин ба худмухтории минтақаи маъмурии махсуси Ҳонконг таҳдид мекунад. Ин аст, ки миллионҳо нафар сокинон аз хусуси ба ҷойи дигар кӯчидан андеша доранд. Айни замон дар ин ҷо беш аз ҳафтуним миллион нафар зиндагӣ мекунанд. “Мо мехоҳем ба мардуми Ҳонконг имкон диҳем, то ин маконро тарк созанд. Зистану заҳмат кашидан ва бунёди оиларо дар кишварҳое ба роҳ монанд, ки бешубҳа сохти демократӣ он ҷо ҳукмфармо бошад”, - изҳор доштааст, раиси шӯрои директорони ширкати бунёдгари RECAS, Ко.
Шаҳр бо қолаби сиёсӣ ва иқтисодию иҷтимоияш дар дохили кишвари бунёдшаванда, худмухтор хоҳад буд. Қарор аст, дар ними шаҳри навбунёд мардуми собиқ гонконгӣ ва дар ними дигараш мардуми кишвари шаҳрбунёдшаванда, ҷо карда шавад. Шумораи умумии сокинони шаҳри навбунёд то ду миллион нафарро дар бар мегирад.
Айни замон ширкати Victoria Harbour Group дар ҷустуҷӯи замин дар кишварҳои гуногун аст. Корҳои бунёдкорӣ худи ҳамин сол оғоз ёфта, соли оянда тамоми инфрасохторҳо барқарор карда мешаванд.
Тавре Ко изҳор доштааст, ширкаташ бо ҳукуматдорони чор кишвари аврупоӣ, бобати шаҳри оянда, аллакай гуфтугӯ анҷом додааст. Дар ин маврид таваҷҷуҳи бештар ба Ирландия аст. Моҳи феврал бо ҳукуматдорони ин кишвар вохӯрӣ доир шуд. Лек аз сабаби вабои коронавирус гуфтугӯҳо мавқуф афтод. Ҳамчунин, ба Англия низ таваҷҷуҳ зоҳир шудааст.
Ҳонконг, ҳамчун воҳиди маъмурии махсус, мувофиқи шартнома то охири асри пешин зери итоати Бритониё буд. Ин ҷо миллатҳои гуногун, аз ҷумла чиниҳо, ки аксариятро ташкил медиҳанд, зист доранд.
Баъди он ки Ҳонконг зери итоати Чин ворид шуд, онро роҳбари маъмурияти маҳаллӣ идора мекунад. Вай дар асоси интихоби кумита доир ба корҳои интихобот ба ин вазифа пешбарӣ мегардад. Мувофиқи қонуни асосӣ ҳукуматдорони маҳаллӣ дар ҳалли тамоми масоил ва корҳои ҳудудӣ худмухторанд. Ба истиснои корҳои мудофиа ва сиёсати беруна. Аммо дар амал ҳукуматдорони Чин пайваста саъй доранд, дар корҳои маъмурии ин минтақа бештар дахолат намоянд.
Иқтисодиёти Ҳонконг дар асоси иқтисодиёти бозаргонии озод пеш рафта, андозбандии хеле паст, бе мудохилаи мақомот ба роҳ монда шудааст. Аз маҳсулоти воридотӣ боҷ гирифта намешавад. Ба арзиши иловагии маҳсулот ҳам андозбандӣ нест. Ҳонконг ҳамчун яке аз марказҳои маъруфи молиявӣ дар қораи Осиё шинохта шудааст. Чунин тарзҳои содаи андозбандӣ ва озод будан аз ҳар гуна андозҳои иловагӣ имкон додааст, дар ин ҷо ширкатҳои гуногун ҷо гирифта, фаъолияти худро ба роҳ монанд. Аз ҷиҳати ҳузури ширкатҳои зиёд Ҳонконг дар минтақаи Осиё ва уқёнуси Ором яке аз ҷойҳои аввалро соҳиб аст. Аз рӯи нишондоди маҷмӯи маҳсулоти дохила ва маҷмӯи маҳсулоти шаҳрӣ Ҳонконг яке аз шаҳрҳои бойтарини кишвари Чин эътироф шудааст.
Кумитаи доимии Маҷлиси умумичинии намояндагони мардумӣ қонун дар бораи бехатарии миллиро қабул кард. Мувофиқи он таҳдид ба ҳокимияти давлатӣ, тафриқаандозӣ ва мудохила ба корҳои дохилии Ҳонконг пешгирӣ карда мешавад. Ҷазо то ҳади ҳабси якумрист. Аллакай як нафар сокини ин минтақаро барои вайрон кардани қонуни мазкур, боздошт кардаанд.
Дахолати пайвастаи ҳукуматдорони Чин бо ҳар баҳона ба корҳои дохилии минтақаи озоди Ҳонконг боис шуда, ки мардуми замоне озод ва бе маҳдудият рӯзгор дошта, акнун дар пайи ивази макони зист шаванд.
Т. ДАВЛАТ, “ҶТ”
Нашрия навиштааст, ки кишвари Чин ба худмухтории минтақаи маъмурии махсуси Ҳонконг таҳдид мекунад. Ин аст, ки миллионҳо нафар сокинон аз хусуси ба ҷойи дигар кӯчидан андеша доранд. Айни замон дар ин ҷо беш аз ҳафтуним миллион нафар зиндагӣ мекунанд. “Мо мехоҳем ба мардуми Ҳонконг имкон диҳем, то ин маконро тарк созанд. Зистану заҳмат кашидан ва бунёди оиларо дар кишварҳое ба роҳ монанд, ки бешубҳа сохти демократӣ он ҷо ҳукмфармо бошад”, - изҳор доштааст, раиси шӯрои директорони ширкати бунёдгари RECAS, Ко.
Шаҳр бо қолаби сиёсӣ ва иқтисодию иҷтимоияш дар дохили кишвари бунёдшаванда, худмухтор хоҳад буд. Қарор аст, дар ними шаҳри навбунёд мардуми собиқ гонконгӣ ва дар ними дигараш мардуми кишвари шаҳрбунёдшаванда, ҷо карда шавад. Шумораи умумии сокинони шаҳри навбунёд то ду миллион нафарро дар бар мегирад.
Айни замон ширкати Victoria Harbour Group дар ҷустуҷӯи замин дар кишварҳои гуногун аст. Корҳои бунёдкорӣ худи ҳамин сол оғоз ёфта, соли оянда тамоми инфрасохторҳо барқарор карда мешаванд.
Тавре Ко изҳор доштааст, ширкаташ бо ҳукуматдорони чор кишвари аврупоӣ, бобати шаҳри оянда, аллакай гуфтугӯ анҷом додааст. Дар ин маврид таваҷҷуҳи бештар ба Ирландия аст. Моҳи феврал бо ҳукуматдорони ин кишвар вохӯрӣ доир шуд. Лек аз сабаби вабои коронавирус гуфтугӯҳо мавқуф афтод. Ҳамчунин, ба Англия низ таваҷҷуҳ зоҳир шудааст.
Ҳонконг, ҳамчун воҳиди маъмурии махсус, мувофиқи шартнома то охири асри пешин зери итоати Бритониё буд. Ин ҷо миллатҳои гуногун, аз ҷумла чиниҳо, ки аксариятро ташкил медиҳанд, зист доранд.
Баъди он ки Ҳонконг зери итоати Чин ворид шуд, онро роҳбари маъмурияти маҳаллӣ идора мекунад. Вай дар асоси интихоби кумита доир ба корҳои интихобот ба ин вазифа пешбарӣ мегардад. Мувофиқи қонуни асосӣ ҳукуматдорони маҳаллӣ дар ҳалли тамоми масоил ва корҳои ҳудудӣ худмухторанд. Ба истиснои корҳои мудофиа ва сиёсати беруна. Аммо дар амал ҳукуматдорони Чин пайваста саъй доранд, дар корҳои маъмурии ин минтақа бештар дахолат намоянд.
Иқтисодиёти Ҳонконг дар асоси иқтисодиёти бозаргонии озод пеш рафта, андозбандии хеле паст, бе мудохилаи мақомот ба роҳ монда шудааст. Аз маҳсулоти воридотӣ боҷ гирифта намешавад. Ба арзиши иловагии маҳсулот ҳам андозбандӣ нест. Ҳонконг ҳамчун яке аз марказҳои маъруфи молиявӣ дар қораи Осиё шинохта шудааст. Чунин тарзҳои содаи андозбандӣ ва озод будан аз ҳар гуна андозҳои иловагӣ имкон додааст, дар ин ҷо ширкатҳои гуногун ҷо гирифта, фаъолияти худро ба роҳ монанд. Аз ҷиҳати ҳузури ширкатҳои зиёд Ҳонконг дар минтақаи Осиё ва уқёнуси Ором яке аз ҷойҳои аввалро соҳиб аст. Аз рӯи нишондоди маҷмӯи маҳсулоти дохила ва маҷмӯи маҳсулоти шаҳрӣ Ҳонконг яке аз шаҳрҳои бойтарини кишвари Чин эътироф шудааст.
Кумитаи доимии Маҷлиси умумичинии намояндагони мардумӣ қонун дар бораи бехатарии миллиро қабул кард. Мувофиқи он таҳдид ба ҳокимияти давлатӣ, тафриқаандозӣ ва мудохила ба корҳои дохилии Ҳонконг пешгирӣ карда мешавад. Ҷазо то ҳади ҳабси якумрист. Аллакай як нафар сокини ин минтақаро барои вайрон кардани қонуни мазкур, боздошт кардаанд.
Дахолати пайвастаи ҳукуматдорони Чин бо ҳар баҳона ба корҳои дохилии минтақаи озоди Ҳонконг боис шуда, ки мардуми замоне озод ва бе маҳдудият рӯзгор дошта, акнун дар пайи ивази макони зист шаванд.
Т. ДАВЛАТ, “ҶТ”
Рӯзнома
