Хабарҳои кӯтоҳ
Ҷумъа 19 Апрел 2024 09:09
Рӯзномаи чинии “Синхуа” дар мақолае нигоштааст, ки Русия қувваҳои ҳарбии баҳрии худро пайваста такмил ва пурқувват намуда, бо ин васила Ғарбро ҳушдор медиҳад.
Ба навиштаи рӯзнома, қувваҳои ҳарбии баҳрии Русия дар чанд самт пешравӣ доранд. Пеш аз ҳама, бунёди киштиҳои нав ба нави гуногунтаъинот, аз ҷумла киштиҳои зериобӣ бо муҳаррики атомӣ. Ҳамчунин, якчанд навъи киштиҳои десантпарто ва сабук.
Илова бар он, Маскав саъй дорад, машқҳои гуногунро берун аз обҳои ҳудудҳои худ ба роҳ монда, ба ҳарифон нишон диҳад, ки зӯру тавоност. Аз ҷумла, чунин машқҳои наздик ба ҳолати ҷангӣ дар обҳои баҳри Миёназамин ва уқёнуси Ором чандин маротиба анҷом ёфт.
Зикр намудан ба маврид аст, ки пас аз пош хӯрдани Иттиҳоди Шӯравӣ, маҳз бо “ташаббус”-и амрикоиҳо ва дастгирии онҳо аз ҷониби ҳукумати вақти Русия, таҳти роҳбарии Елтсин ислоҳоти ҳарбӣ ба роҳ монда шуд. Даҳҳо ҳазор нафар ҳарбиён аз артиш ҷавоб дода шуданд. Ҳама гуна навгониҳо дар ҷодаи ҳарбӣ ва ба роҳ мондани истеҳсоли техникаи соҳа мавқуф гузошта шуд. Аз ҷумла, дар қувваҳои ҳарбии баҳрӣ. Флоти Русия, ҷойгузини собиқ шӯравӣ ҳоли табоҳе гирифт. Аксар киштиҳо, аз ҷумла киштиҳои атомии тайёрабар корношояму аз флот хориҷ ва ба оҳанпора табдил дода шуданд. Дар ҳоле, ки амрикоиҳо ягон навъи яроқи ҳарбии худро коҳиш надода, баръакс пайваста баҳри такмилу пурқувват намудан саъй доштанд.
Вақте дар Русия ба худ омаданд, хеле дер шуда буд. Ҳоло ҳукумати имрӯзаи Русия таҳти роҳбарии Владимир Путин мекӯшад қувваҳои ҳарбии кишвар, аз ҷумла флоти ҳарбияшро пурқувват созад. Чунин нақшаҳо ҳоло дар шароите сурат мегирад, ки муносибатҳои ду абарқудрат – Русия ва ИМА метавон гуфт, ба кӯчаи сарбаста ворид шудааст.
Нашрияи “Business Insider” нигоштааст, ки Русия ҳоло флоти пурқувватро доро буда, ба қувваҳои ҳарбии паймони НАТО таҳдид ба вуҷуд овардааст. Флоти ҳарбии Русия доираи фаъолиятро имрӯз хеле васеъ карда, ҳузури худро дар Арктика, Африқо, Шарқи наздик ва дигар манотиқи олам афзоиш мебахшад. Ҳамчунин, дар гирди Аврупо чарх зада, аз болои паймони НАТО назорати сахтро ба роҳ мондааст. Пайдошавии киштиҳои ҳарбии зериобии Русия дар наздикиҳои обҳои ҳудуди ИМА ҳарбиёни баландмартабаро дар ситоди қувваҳои ҳарбии ИМА, дар Пентагон ба ташвиш андохтааст.
Ҳоло дар ҳайати қувваҳои ҳарбии баҳрии Русия зиёда 360 киштии навъҳои гуногун мавҷуд аст. Аз ҷумла, киштиҳои нисбатан хурд, аммо тезҳаракат. Ҳарчанд ин навъ киштиҳо дар нисбати киштиҳои ҳаммонанди паймони НАТО хурдтар ва аслиҳа кам дошта бошанд ҳам, силоҳи нав, аз ҷумла мушакҳои болдори “Калибр” ба онҳо бартарӣ медиҳад.
Тавре нашрияи “Business Insider” нигоштааст, қувваи асосии флоти ҳарбии Русия, ин киштиҳои зериобист. Ҳоло Русия 59 киштии зериобиро дорост, ки 12 –тои он киштиҳои атомӣ бо мушакҳои баллистикӣ ва 9 киштии дигари атомӣ бо мушакҳои болдор мебошад.
Ба ақидаи як қатор коршиносони ҳарбӣ, чунин мукаммалгардонии қувваҳои ҳарбии Русия, аз ҷумла қувваҳои баҳрӣ, барои нигоҳ доштани мувозинати қувваҳо дар муқобили рақибон аст. Тавре маълум аст, рақибони Русия дар симои ИМА ва иттифоқчиёнаш зоҳир мегардад. Зеро ҳар ду тараф мехоҳад, дар олам бештар таъсиргузор ва манфиатҳои худро ҳимоя намояд.
Т. ДАВЛАТ, “ҶТ”
Ба навиштаи рӯзнома, қувваҳои ҳарбии баҳрии Русия дар чанд самт пешравӣ доранд. Пеш аз ҳама, бунёди киштиҳои нав ба нави гуногунтаъинот, аз ҷумла киштиҳои зериобӣ бо муҳаррики атомӣ. Ҳамчунин, якчанд навъи киштиҳои десантпарто ва сабук.
Илова бар он, Маскав саъй дорад, машқҳои гуногунро берун аз обҳои ҳудудҳои худ ба роҳ монда, ба ҳарифон нишон диҳад, ки зӯру тавоност. Аз ҷумла, чунин машқҳои наздик ба ҳолати ҷангӣ дар обҳои баҳри Миёназамин ва уқёнуси Ором чандин маротиба анҷом ёфт.
Зикр намудан ба маврид аст, ки пас аз пош хӯрдани Иттиҳоди Шӯравӣ, маҳз бо “ташаббус”-и амрикоиҳо ва дастгирии онҳо аз ҷониби ҳукумати вақти Русия, таҳти роҳбарии Елтсин ислоҳоти ҳарбӣ ба роҳ монда шуд. Даҳҳо ҳазор нафар ҳарбиён аз артиш ҷавоб дода шуданд. Ҳама гуна навгониҳо дар ҷодаи ҳарбӣ ва ба роҳ мондани истеҳсоли техникаи соҳа мавқуф гузошта шуд. Аз ҷумла, дар қувваҳои ҳарбии баҳрӣ. Флоти Русия, ҷойгузини собиқ шӯравӣ ҳоли табоҳе гирифт. Аксар киштиҳо, аз ҷумла киштиҳои атомии тайёрабар корношояму аз флот хориҷ ва ба оҳанпора табдил дода шуданд. Дар ҳоле, ки амрикоиҳо ягон навъи яроқи ҳарбии худро коҳиш надода, баръакс пайваста баҳри такмилу пурқувват намудан саъй доштанд.
Вақте дар Русия ба худ омаданд, хеле дер шуда буд. Ҳоло ҳукумати имрӯзаи Русия таҳти роҳбарии Владимир Путин мекӯшад қувваҳои ҳарбии кишвар, аз ҷумла флоти ҳарбияшро пурқувват созад. Чунин нақшаҳо ҳоло дар шароите сурат мегирад, ки муносибатҳои ду абарқудрат – Русия ва ИМА метавон гуфт, ба кӯчаи сарбаста ворид шудааст.
Нашрияи “Business Insider” нигоштааст, ки Русия ҳоло флоти пурқувватро доро буда, ба қувваҳои ҳарбии паймони НАТО таҳдид ба вуҷуд овардааст. Флоти ҳарбии Русия доираи фаъолиятро имрӯз хеле васеъ карда, ҳузури худро дар Арктика, Африқо, Шарқи наздик ва дигар манотиқи олам афзоиш мебахшад. Ҳамчунин, дар гирди Аврупо чарх зада, аз болои паймони НАТО назорати сахтро ба роҳ мондааст. Пайдошавии киштиҳои ҳарбии зериобии Русия дар наздикиҳои обҳои ҳудуди ИМА ҳарбиёни баландмартабаро дар ситоди қувваҳои ҳарбии ИМА, дар Пентагон ба ташвиш андохтааст.
Ҳоло дар ҳайати қувваҳои ҳарбии баҳрии Русия зиёда 360 киштии навъҳои гуногун мавҷуд аст. Аз ҷумла, киштиҳои нисбатан хурд, аммо тезҳаракат. Ҳарчанд ин навъ киштиҳо дар нисбати киштиҳои ҳаммонанди паймони НАТО хурдтар ва аслиҳа кам дошта бошанд ҳам, силоҳи нав, аз ҷумла мушакҳои болдори “Калибр” ба онҳо бартарӣ медиҳад.
Тавре нашрияи “Business Insider” нигоштааст, қувваи асосии флоти ҳарбии Русия, ин киштиҳои зериобист. Ҳоло Русия 59 киштии зериобиро дорост, ки 12 –тои он киштиҳои атомӣ бо мушакҳои баллистикӣ ва 9 киштии дигари атомӣ бо мушакҳои болдор мебошад.
Ба ақидаи як қатор коршиносони ҳарбӣ, чунин мукаммалгардонии қувваҳои ҳарбии Русия, аз ҷумла қувваҳои баҳрӣ, барои нигоҳ доштани мувозинати қувваҳо дар муқобили рақибон аст. Тавре маълум аст, рақибони Русия дар симои ИМА ва иттифоқчиёнаш зоҳир мегардад. Зеро ҳар ду тараф мехоҳад, дар олам бештар таъсиргузор ва манфиатҳои худро ҳимоя намояд.
Т. ДАВЛАТ, “ҶТ”
Рӯзнома
