Хабарҳои кӯтоҳ
Якшанбе 08 Сентябр 2024 04:44
Сиёсати Берлин нисбати Москва тағйир меёбад?
Чанде пеш дар Олмон ҳукумати коалитсионӣ, дар ҳайати сотсиал-демократҳо, сабзҳо ва демократҳои озод ба фаъолият оғоз кард. Тавре интизор мерафт, сарварии ҳукумат ба уҳдаи роҳбари сотсиал-демократҳо Олаф Шолтс вогузор гардида, ӯ сарвазир (канслер) интихоб шуд. Курсии вазири корҳои хориҷа ба хонум Анналена Бербок, аз ҳизби сабзҳо расид. Дар ин маврид аксар коршиносону сиёсатшиносонро мавқеи ҳукумати нав дар муносибат бо Русия, махсусан муноқишаи русҳо бо украинҳо ва мавқеъгирии олмониҳо, ба худ ҷалб намудааст.
Зимни вохӯрӣ бо рӯзноманигорон Олаф Шолтс, аз хусуси муноқишаи Русия бо Украина ва ба ҷанги калон табдил ёфтани он чунин изҳор доштааст: “Мавқеи мо ошкор аст: мехоҳем, ки ҳама ба тағйирнопазирии сарҳадҳо эҳтиром гузоранд”. Аз оқибатҳои воридшавии эҳтимолӣ ба Украина бошад, Русияро ҳушдор додааст. Дар навбати худ вазири нав Бербок, дар ҳолати афзудани шиддат, ваъда додааст, ки хати газгузари “Маҷрои шимол – 2” мумкин аст, ба шабака пайваст нашавад.
Зимни суҳбат бо хабаргузории “Росбалт” публитсист ва ҷомеашинос Игор Эйдман гуфтааст, ки ҳарчанд дар сиёсати Берлин нисбати Маскав тағйироти ҷиддӣ зоҳир нашавад ҳам, ба ҳар ҳол дигаргунӣ, аз ҷумла сардӣ, албатта ба амал меояд. Ӯ ин ҳолатро ба вазири нави корҳои хориҷа хонум Анналена Бербок рабт медиҳад. Бербок аз ҳама бештар мунаққиди сиёсати пешгирифтаи президент Владимир Путин ва амалкардаҳои Русия нисбати Украина ба шумор меравад. Хусусан дар масъалаи бунёди хати газгузари русии “Маҷрои шимол – 2” мавқеи нисбатан сахтро гирифта, пайваста аз хусуси манъи он ҳарф задааст. Ҳам аз нигоҳи сиёсӣ ва ҳам тозагии муҳити зист.
Ба андешаи Игор Эйдман, сарвазири нав Олаф Шолтс, ба масоили сиёсати беруна умуман дахл накарда, бобати ин масъала боре ҳам изҳороти ҷиддӣ надодааст. Таваҷҷуҳи вайро масъалаҳои молия ва ҳуқуқӣ бештар ба худ ҷалб мекард. Лек баъди ба чунин вазифаи пурмасъул расидан, аллакай овоз баланд дорад. Мумкин аст, мавқеи ӯ дар муносибат бо Русия, нисбати ҳукумати пешина таҳти сарварии Ангела Маркел сахттар шавад.
Шояд байни сотсиал-демократҳо ва сабзҳо (ҳамчунин демократҳои озод), аз хусуси лоиҳаи хати газгузари “Маҷрои шимол – 2” баҳси пуршиддат сурат гирад. Тавре аён аст, сабзҳо қатъиян зиди бунёди ин лоиҳа баромад доранд. Дар ин маврид амалҳои содирнамуда аз ҷониби Маскав хеле муҳим аст. Агар Русия нисбати Украина ягон намуд амали ғасбкорона роҳандозӣ созад, дар ин маврид амалишавии лоиҳа ғайриимкон аст.
Ҳарчанд олмониҳо нисбати украинҳо мавқеи хайрхоҳона дошта бошанд ҳам, лек дар масъалаи фурӯши аслиҳа бо онҳо сарукор доштан намехоҳанд. Масалан, агар амрикоиҳо ва фаронсавиҳо ба фурӯши аслиҳа машғул шаванд, сокинони ин кишварҳо чунин ҳолатро оромона қабул доранд. Дар Олмон бошад, рӯҳияи сулҳхоҳона хеле қавист. Аз ин хотир ҳаргиз расондани аслиҳаро ба ягон кишвар, аз ҷумла Украина қабул надоранд. Даврони ҳукумати Ангела Маркел ҳам чунин вазъ қарор дошт.
Аммо ин вазъро амрикоиҳо, англисҳо ва туркҳо ислоҳ карда, омодаанд ба Украина дар ҷодаи дастрасӣ ба аслиҳаи гуногун, аз ҷумла навтарин ҳам кумак расонанд. Сахтгирию хайрхоҳии олмониҳо бошад, муносибати минбаъдаи кишварҳои аврупоиро дар нисбати Русия, мумкин аст ба ягон маҷрои нав ворид созад.
Т. ДАВЛАТ, “ҶТ”
Чанде пеш дар Олмон ҳукумати коалитсионӣ, дар ҳайати сотсиал-демократҳо, сабзҳо ва демократҳои озод ба фаъолият оғоз кард. Тавре интизор мерафт, сарварии ҳукумат ба уҳдаи роҳбари сотсиал-демократҳо Олаф Шолтс вогузор гардида, ӯ сарвазир (канслер) интихоб шуд. Курсии вазири корҳои хориҷа ба хонум Анналена Бербок, аз ҳизби сабзҳо расид. Дар ин маврид аксар коршиносону сиёсатшиносонро мавқеи ҳукумати нав дар муносибат бо Русия, махсусан муноқишаи русҳо бо украинҳо ва мавқеъгирии олмониҳо, ба худ ҷалб намудааст.
Зимни вохӯрӣ бо рӯзноманигорон Олаф Шолтс, аз хусуси муноқишаи Русия бо Украина ва ба ҷанги калон табдил ёфтани он чунин изҳор доштааст: “Мавқеи мо ошкор аст: мехоҳем, ки ҳама ба тағйирнопазирии сарҳадҳо эҳтиром гузоранд”. Аз оқибатҳои воридшавии эҳтимолӣ ба Украина бошад, Русияро ҳушдор додааст. Дар навбати худ вазири нав Бербок, дар ҳолати афзудани шиддат, ваъда додааст, ки хати газгузари “Маҷрои шимол – 2” мумкин аст, ба шабака пайваст нашавад.
Зимни суҳбат бо хабаргузории “Росбалт” публитсист ва ҷомеашинос Игор Эйдман гуфтааст, ки ҳарчанд дар сиёсати Берлин нисбати Маскав тағйироти ҷиддӣ зоҳир нашавад ҳам, ба ҳар ҳол дигаргунӣ, аз ҷумла сардӣ, албатта ба амал меояд. Ӯ ин ҳолатро ба вазири нави корҳои хориҷа хонум Анналена Бербок рабт медиҳад. Бербок аз ҳама бештар мунаққиди сиёсати пешгирифтаи президент Владимир Путин ва амалкардаҳои Русия нисбати Украина ба шумор меравад. Хусусан дар масъалаи бунёди хати газгузари русии “Маҷрои шимол – 2” мавқеи нисбатан сахтро гирифта, пайваста аз хусуси манъи он ҳарф задааст. Ҳам аз нигоҳи сиёсӣ ва ҳам тозагии муҳити зист.
Ба андешаи Игор Эйдман, сарвазири нав Олаф Шолтс, ба масоили сиёсати беруна умуман дахл накарда, бобати ин масъала боре ҳам изҳороти ҷиддӣ надодааст. Таваҷҷуҳи вайро масъалаҳои молия ва ҳуқуқӣ бештар ба худ ҷалб мекард. Лек баъди ба чунин вазифаи пурмасъул расидан, аллакай овоз баланд дорад. Мумкин аст, мавқеи ӯ дар муносибат бо Русия, нисбати ҳукумати пешина таҳти сарварии Ангела Маркел сахттар шавад.
Шояд байни сотсиал-демократҳо ва сабзҳо (ҳамчунин демократҳои озод), аз хусуси лоиҳаи хати газгузари “Маҷрои шимол – 2” баҳси пуршиддат сурат гирад. Тавре аён аст, сабзҳо қатъиян зиди бунёди ин лоиҳа баромад доранд. Дар ин маврид амалҳои содирнамуда аз ҷониби Маскав хеле муҳим аст. Агар Русия нисбати Украина ягон намуд амали ғасбкорона роҳандозӣ созад, дар ин маврид амалишавии лоиҳа ғайриимкон аст.
Ҳарчанд олмониҳо нисбати украинҳо мавқеи хайрхоҳона дошта бошанд ҳам, лек дар масъалаи фурӯши аслиҳа бо онҳо сарукор доштан намехоҳанд. Масалан, агар амрикоиҳо ва фаронсавиҳо ба фурӯши аслиҳа машғул шаванд, сокинони ин кишварҳо чунин ҳолатро оромона қабул доранд. Дар Олмон бошад, рӯҳияи сулҳхоҳона хеле қавист. Аз ин хотир ҳаргиз расондани аслиҳаро ба ягон кишвар, аз ҷумла Украина қабул надоранд. Даврони ҳукумати Ангела Маркел ҳам чунин вазъ қарор дошт.
Аммо ин вазъро амрикоиҳо, англисҳо ва туркҳо ислоҳ карда, омодаанд ба Украина дар ҷодаи дастрасӣ ба аслиҳаи гуногун, аз ҷумла навтарин ҳам кумак расонанд. Сахтгирию хайрхоҳии олмониҳо бошад, муносибати минбаъдаи кишварҳои аврупоиро дар нисбати Русия, мумкин аст ба ягон маҷрои нав ворид созад.
Т. ДАВЛАТ, “ҶТ”