Хабарҳои кӯтоҳ
Душанбе 30 Декабр 2024 09:54
Дар давлати Исроил аз моҳи январ эътирозҳои оммавӣ, ки шумори ширкатдорони он то сад ҳазор нафар расид, то кунун идома ёфта, ҳукуматдоронро маҷбур сохт гузашт намоянд. Бояд зикр кард, ки исроилиҳо аз замони таъсиси давлати худ бо чунин буҳрони шадиди сиёсию иҷтимоӣ, бо фарогири мардуми бешумор бори нахуст рӯ ба рӯ гаштаанд.
Ҳама кор аз он сар зад, ки сарвазир Бинёмин Нетаняҳу тавассути Кнессет (порлумон) хост ваколатҳои суди олӣ (БАГАТС)–ро маҳдуд созад. Сарвазир, аз ҷумла ният дошт, ҳуқуқи суди олиро бобати манъи қонунҳои баровардаи порлумон коҳиш бахшида, интихоби судяҳо зери назорати ҳукумат вогузошта шавад.
Аммо эътирозу таҳдиди корпартоиҳои умумӣ ва изҳороти роҳбарияти яке аз сохторҳои муҳими давлат – федератсияи иттифоқҳои касаба “Гистадрут” – аз хусуси бо эътирозгарон як ҷо будан, кори худро кард. Ҳамин тавр, эътирозҳо ба корпартоиҳо печида, дар бонку марказҳои бузурги тиҷоратӣ, муассисаҳои тиббӣ, ширкатҳои нақлиётӣ ва театрҳо оварда расонид ва ҳатто яке аз фурудгоҳҳои калони кишвар Бен–Гурион фаъолияти худро қатъ намуд.
Ҳоло ислоҳоти судӣ то оғози ҷаласаҳои тобистонаи порлумон, ки моҳи июл оғоз мегардад, мавқуф гузошта шуд.
Рӯзноманигори рус Алексей Йесод муқобилаистии имрӯзаи оммаи мардумро бо ҳукуматдорон дар кишвари яҳудиён муноқишаи фарҳангӣ номидааст, ки эътирозгарон қароргоҳи сарвазирро валангор месозанд. Аз ҷониби дигар, дар ҳоли маҳдуд шудани ваколатҳои суди олӣ, худи сарвазир аз таъқибот раҳо ёфтанаш мумкин. Ӯ ба ришвахорӣ муттаҳам дониста мешавад.
Вазъи имрӯзаи кишвари яҳудиҳо президенти он Исҳоқ Герсогро ҳам нигарон кардааст: “Ҳар нафаре, ки мепиндорад ҷанги шаҳрвандӣ ногузир нест, вазъи воқеиро дуруст дарк намесозад. Варта ба андозаи дароз кардани даст қарор гирифтааст”. Ӯ ҳам зидди ислоҳоти судист. Дар сархати шабакаҳои иҷтимоии кишварҳои арабӣ бошад, вобаста ба ин мавзуъ нигоштаҳое чун “Исроил дар оташ”, “Исроил фано меёбад” ва ғайра қарор гирифта, ҳар чи бештар хонандагонро ба худ ҷалб месозанд.
Афзоиши эътирозҳо ба он оварда расонд, ки сарвазир Бинёмин Нетаняҳу яке аз ҳамсафони хеш доир ба ҳизби “Ликуд” – вазири дифоъ Йов Галантро ба истеъфо фиристад. Ӯ низ ислоҳоти судии сарвазир роҳандозӣ намударо тарафдор набуд. Дар ин маврид, дар ҳайати ҳукумат яке тарафдорони қотеи ислоҳоти судӣ, вазири бехатарӣ Тимар Бен–Гвир маҳсуб меёфт. Вай ҳам вазъи ба амал омадаро дуруст дарк намуд ва изҳор дошт, ки аз ҳайати ҳукумат берун мешавад.
Рафтани ӯ боиси интихоботи нав мегардид. Аммо гузашти сарвазир ва қонеъ сохтани баъзе талаботи вазири бехатарӣ, аз ҷумла дар ҳайати ин вазорат таъсиси горди миллӣ ва мавқуф гузоштани ислоҳот то тобистон ӯро аз раъяш гардонд.
Ба он нигоҳ накарда, ки эътирозгарон ба комёбӣ ноил гардиданд, яке аз пешвоёни мухолифин, собиқ сарвазир Яир Лопид даъват ба амал овард, ки гирдиҳамоиҳо ҳамоно идома дода шаванд. То даме, ки дар кишвар сарқонун қабул нагардад.
Т. ДАВЛАТ, “ҶТ”
Ҳама кор аз он сар зад, ки сарвазир Бинёмин Нетаняҳу тавассути Кнессет (порлумон) хост ваколатҳои суди олӣ (БАГАТС)–ро маҳдуд созад. Сарвазир, аз ҷумла ният дошт, ҳуқуқи суди олиро бобати манъи қонунҳои баровардаи порлумон коҳиш бахшида, интихоби судяҳо зери назорати ҳукумат вогузошта шавад.
Аммо эътирозу таҳдиди корпартоиҳои умумӣ ва изҳороти роҳбарияти яке аз сохторҳои муҳими давлат – федератсияи иттифоқҳои касаба “Гистадрут” – аз хусуси бо эътирозгарон як ҷо будан, кори худро кард. Ҳамин тавр, эътирозҳо ба корпартоиҳо печида, дар бонку марказҳои бузурги тиҷоратӣ, муассисаҳои тиббӣ, ширкатҳои нақлиётӣ ва театрҳо оварда расонид ва ҳатто яке аз фурудгоҳҳои калони кишвар Бен–Гурион фаъолияти худро қатъ намуд.
Ҳоло ислоҳоти судӣ то оғози ҷаласаҳои тобистонаи порлумон, ки моҳи июл оғоз мегардад, мавқуф гузошта шуд.
Рӯзноманигори рус Алексей Йесод муқобилаистии имрӯзаи оммаи мардумро бо ҳукуматдорон дар кишвари яҳудиён муноқишаи фарҳангӣ номидааст, ки эътирозгарон қароргоҳи сарвазирро валангор месозанд. Аз ҷониби дигар, дар ҳоли маҳдуд шудани ваколатҳои суди олӣ, худи сарвазир аз таъқибот раҳо ёфтанаш мумкин. Ӯ ба ришвахорӣ муттаҳам дониста мешавад.
Вазъи имрӯзаи кишвари яҳудиҳо президенти он Исҳоқ Герсогро ҳам нигарон кардааст: “Ҳар нафаре, ки мепиндорад ҷанги шаҳрвандӣ ногузир нест, вазъи воқеиро дуруст дарк намесозад. Варта ба андозаи дароз кардани даст қарор гирифтааст”. Ӯ ҳам зидди ислоҳоти судист. Дар сархати шабакаҳои иҷтимоии кишварҳои арабӣ бошад, вобаста ба ин мавзуъ нигоштаҳое чун “Исроил дар оташ”, “Исроил фано меёбад” ва ғайра қарор гирифта, ҳар чи бештар хонандагонро ба худ ҷалб месозанд.
Афзоиши эътирозҳо ба он оварда расонд, ки сарвазир Бинёмин Нетаняҳу яке аз ҳамсафони хеш доир ба ҳизби “Ликуд” – вазири дифоъ Йов Галантро ба истеъфо фиристад. Ӯ низ ислоҳоти судии сарвазир роҳандозӣ намударо тарафдор набуд. Дар ин маврид, дар ҳайати ҳукумат яке тарафдорони қотеи ислоҳоти судӣ, вазири бехатарӣ Тимар Бен–Гвир маҳсуб меёфт. Вай ҳам вазъи ба амал омадаро дуруст дарк намуд ва изҳор дошт, ки аз ҳайати ҳукумат берун мешавад.
Рафтани ӯ боиси интихоботи нав мегардид. Аммо гузашти сарвазир ва қонеъ сохтани баъзе талаботи вазири бехатарӣ, аз ҷумла дар ҳайати ин вазорат таъсиси горди миллӣ ва мавқуф гузоштани ислоҳот то тобистон ӯро аз раъяш гардонд.
Ба он нигоҳ накарда, ки эътирозгарон ба комёбӣ ноил гардиданд, яке аз пешвоёни мухолифин, собиқ сарвазир Яир Лопид даъват ба амал овард, ки гирдиҳамоиҳо ҳамоно идома дода шаванд. То даме, ки дар кишвар сарқонун қабул нагардад.
Т. ДАВЛАТ, “ҶТ”
Рӯзнома
