Хабарҳои кӯтоҳ
Якшанбе 08 Сентябр 2024 04:18
Вазорати дифои Олмон дар шарҳи гузоришҳои расонаҳо дар бораи “нақшаи махфӣ”-и Русия барои ҳамла ба НАТО гуфт, ки ҳатто нақшаи ҳамла баррасӣ мешавад ва аз эҳтимол дур нест, ки он рӯзҳои наздик амалӣ гардад. Дар ин бора пойгоҳи олмонии “Bild” дар такя ба Вазорати дифои Олмон хабар додааст.
Қаблан, “Bild” бо истинод ба як “ҳуҷҷати махфӣ”-и неруҳои мусаллаҳи Олмон (Бундесвер) “нақша”-ро нашр кард, ки чӣ гуна Русия, тибқи тахмини муаллифон, метавонад ба пойгоҳҳои ғарбии НАТО ҳамла кунад, ки ин ҳамла метавонад сараввал ба пойгоҳҳои НАТО дар Олмон бошад.
Дар ин бобат котиби матбуотии президенти Русия Дмитрий Песков аз шарҳи нашрия дар бораи “нақшаи ҳамла”-и Русия ба Олмон худдорӣ карда, гуфт, ки ахиран ин нашрия аз ҳақиқатнигорӣ ба тахайюлпардозӣ такя намуда, ба ин восита хонандагони хешро зиёд мекунад.
“Бо назардошти сенарияҳои гуногун, ҳатто агар онҳо аз эҳтимол дур набошанд, як қисми амалияи ҳаррӯзаи ҳарбӣ, бахусус ҳангоми омӯзиши артиш аст”, - гуфт вазорат дар посух ба як пурсиши “Bild”.
Пештар Мария Захарова, намояндаи расмии Вазорати корҳои хориҷии Русия, бо тамасхур изҳор дошта буд, ки “нақшаи” нашркардаи “Bild” дар бораи он ки Русия чӣ гуна метавонад ба НАТО ҳамла кунад, мисли пешгӯиҳои толеънома мебошад, ки онро метавон ҳангомасозтарин хабари соли гузашта барои бурҷи саратон номид”.
Солҳои охир Русия аз фаъолияти бесобиқаи НАТО дар марзҳои ғарбии худ хабар дод. НАТО ҳудудҳои худро васеъ мекунад ва онро “ҷилавгирӣ аз таҷовузи Русия” ба ҳамсоякишварҳо меномад. Маскав борҳо аз афзоиши неруҳои эътилоф дар Аврупо изҳори нигаронӣ кардааст. Кремл қайд кард, ки Федератсияи Русия ба касе ва ба амнияти кишваре таҳдид намекунад, аммо амалҳоеро, ки эҳтимолан ба манфиатҳои он хатарноканд, нодида нахоҳад гирифт. Маскав борҳо таъкид кардааст, ки НАТО ҳадафи муқовимат бо Русияро дорад. Тавре котиби матбуотии раисҷумҳури Русия Дмитрий Песков таъкид кард, тавсеаи минбаъдаи иттиҳод амнияти бештаре ба Аврупо нахоҳад овард. Вазорати корҳои хориҷии Русия изҳор дошт, ки Маскав ҳамчунон барои муколама бо НАТО ҳамеша дарҳои боз дорад ва омодааст бо онҳо сари мизи гуфтушунид нишинад.
Инчунин, Маскав рӯзи 15-уми январ аз кулли кишварҳои Ғарб даъват ба амал овардааст, ки аз милитаризатсияи (ба вуҷуд овардани иқтидори ҳарбӣ) қатъиян даст кашанд, вагарна дар пешорӯи худ Русияи бузургро хоҳанд дид.
Яҳё МАҲМАДНАБИЕВ,
“ҶТ”
Қаблан, “Bild” бо истинод ба як “ҳуҷҷати махфӣ”-и неруҳои мусаллаҳи Олмон (Бундесвер) “нақша”-ро нашр кард, ки чӣ гуна Русия, тибқи тахмини муаллифон, метавонад ба пойгоҳҳои ғарбии НАТО ҳамла кунад, ки ин ҳамла метавонад сараввал ба пойгоҳҳои НАТО дар Олмон бошад.
Дар ин бобат котиби матбуотии президенти Русия Дмитрий Песков аз шарҳи нашрия дар бораи “нақшаи ҳамла”-и Русия ба Олмон худдорӣ карда, гуфт, ки ахиран ин нашрия аз ҳақиқатнигорӣ ба тахайюлпардозӣ такя намуда, ба ин восита хонандагони хешро зиёд мекунад.
“Бо назардошти сенарияҳои гуногун, ҳатто агар онҳо аз эҳтимол дур набошанд, як қисми амалияи ҳаррӯзаи ҳарбӣ, бахусус ҳангоми омӯзиши артиш аст”, - гуфт вазорат дар посух ба як пурсиши “Bild”.
Пештар Мария Захарова, намояндаи расмии Вазорати корҳои хориҷии Русия, бо тамасхур изҳор дошта буд, ки “нақшаи” нашркардаи “Bild” дар бораи он ки Русия чӣ гуна метавонад ба НАТО ҳамла кунад, мисли пешгӯиҳои толеънома мебошад, ки онро метавон ҳангомасозтарин хабари соли гузашта барои бурҷи саратон номид”.
Солҳои охир Русия аз фаъолияти бесобиқаи НАТО дар марзҳои ғарбии худ хабар дод. НАТО ҳудудҳои худро васеъ мекунад ва онро “ҷилавгирӣ аз таҷовузи Русия” ба ҳамсоякишварҳо меномад. Маскав борҳо аз афзоиши неруҳои эътилоф дар Аврупо изҳори нигаронӣ кардааст. Кремл қайд кард, ки Федератсияи Русия ба касе ва ба амнияти кишваре таҳдид намекунад, аммо амалҳоеро, ки эҳтимолан ба манфиатҳои он хатарноканд, нодида нахоҳад гирифт. Маскав борҳо таъкид кардааст, ки НАТО ҳадафи муқовимат бо Русияро дорад. Тавре котиби матбуотии раисҷумҳури Русия Дмитрий Песков таъкид кард, тавсеаи минбаъдаи иттиҳод амнияти бештаре ба Аврупо нахоҳад овард. Вазорати корҳои хориҷии Русия изҳор дошт, ки Маскав ҳамчунон барои муколама бо НАТО ҳамеша дарҳои боз дорад ва омодааст бо онҳо сари мизи гуфтушунид нишинад.
Инчунин, Маскав рӯзи 15-уми январ аз кулли кишварҳои Ғарб даъват ба амал овардааст, ки аз милитаризатсияи (ба вуҷуд овардани иқтидори ҳарбӣ) қатъиян даст кашанд, вагарна дар пешорӯи худ Русияи бузургро хоҳанд дид.
Яҳё МАҲМАДНАБИЕВ,
“ҶТ”