Хабарҳои кӯтоҳ
Якшанбе 08 Сентябр 2024 04:33
Сарвазири Ҷопон Фумио Кишида хоҳиши бастани созишномаи сулҳ бо Русияро эълон кард. Кишида гуфт, бо вуҷуди мушкили равобити ду кишвар ба далели амалиёти ҷангӣ дар Украина, Токио ҳанӯз интизори бастани созишномаи сулҳ бо Маскав аст. Аммо Вазорати хориҷии Русия баҳси ҳудудиро ҳалшуда номид.
Ҷопон қасд дорад сиёсати таҳримии худро алайҳи Русия ба далели иқдомоти низомиаш дар минтақа идома диҳад. Аммо сарфи назар аз ин, Токио ҳамчунон саъй дорад, ки бо роҳи ҳалли баҳси марзӣ бо Маскав шартномаи сулҳ бандад. Дар ин бора сарвазири Япония Фумио Кишида дар сессияи палатаи поёнии парлумон изҳори назар намуд:
“Дар муносибатҳои Ҷопон ва Русия ба далели ҳаводиси охир вазъияти душвор ба вуҷуд омадааст, аммо Ҷопон ба роҳи ҳаллу фасли масъалаи ҳудудӣ ва бастани шартномаи сулҳ содиқ боқӣ мемонад”, - гуфтааст сарвазир.
Ҷопон ва Иттиҳоди Шуравӣ, ки Русия вориси асосии ҳуқуқии он маҳсуб меёбад, дар поёни Ҷанги Дуюми Ҷаҳонӣ ба далели баҳси марзӣ бар сари ҷазираҳои Курили Ҷанубӣ - ҷазираҳои Кунашир, Шикотан, Итуруп ва қаторкӯҳҳои Ҳабомай паймони сулҳ имзо накарданд. Токио баргардонидани онҳоро талаб карда, онҳоро “ғайриқонунӣ ишғолшуда” меномад. Москва чунин мешуморад, ки ин ҳудудҳо ба таври қонунӣ ба хайати СССР дохил шудаанд.
Моҳи марти соли 2022 ба далели таҳримҳое, ки дар вокуниш ба сар задани даргириҳо дар ҳамсоякишвари Русия эълон шуда буданд, Маскав аз идомаи музокирот дар бораи созиши сулҳ бо Токио худдорӣ кард. Мақомоти Русия Ҷопонро ба феҳрасти кишварҳои зидди сиёсати хеш шомил карда, созишномаҳоро дар бораи боздиди осонтари шаҳрвандони Ҷопон – сокинони собиқи ин ҷазираҳо ба ҷазираҳои Курил ва ҳамчунин дар бораи ҷорӣ кардани низоми бидуни раводид барои япониҳо дар Курил лағв карданд.
Дар моҳи декабр Сергей Лавров, вазири умури хориҷаи Русия гуфт, ки Русия бо дигар кишварҳо, аз ҷумла Ҷопон, баҳси ҳудудӣ надорад: “Ҳама баҳсҳои ҳудудӣ ҳал шудаанд, онҳо инро хуб дарк мекунанд”. Сафорати Япония дар ҷавоби ин изҳор намуд, ки:
“Гуфтушунид оид ба бастани сулҳнома то вақтҳои охир маҳз аз он сабаб давом кард, ки мушкилии ҳудуди байни кишварҳои мо то ҳол ҳалли худро наёфтааст”. Дипломатҳо қайд карданд, ки Токио ба бастани созишнома ниёз дорад, чун онҳо ҷазираҳои Курилро заминҳои аҷдодии хеш медонанд.
Яҳё МАҲМАДНАБИЕВ, “ҶТ”
Ҷопон қасд дорад сиёсати таҳримии худро алайҳи Русия ба далели иқдомоти низомиаш дар минтақа идома диҳад. Аммо сарфи назар аз ин, Токио ҳамчунон саъй дорад, ки бо роҳи ҳалли баҳси марзӣ бо Маскав шартномаи сулҳ бандад. Дар ин бора сарвазири Япония Фумио Кишида дар сессияи палатаи поёнии парлумон изҳори назар намуд:
“Дар муносибатҳои Ҷопон ва Русия ба далели ҳаводиси охир вазъияти душвор ба вуҷуд омадааст, аммо Ҷопон ба роҳи ҳаллу фасли масъалаи ҳудудӣ ва бастани шартномаи сулҳ содиқ боқӣ мемонад”, - гуфтааст сарвазир.
Ҷопон ва Иттиҳоди Шуравӣ, ки Русия вориси асосии ҳуқуқии он маҳсуб меёбад, дар поёни Ҷанги Дуюми Ҷаҳонӣ ба далели баҳси марзӣ бар сари ҷазираҳои Курили Ҷанубӣ - ҷазираҳои Кунашир, Шикотан, Итуруп ва қаторкӯҳҳои Ҳабомай паймони сулҳ имзо накарданд. Токио баргардонидани онҳоро талаб карда, онҳоро “ғайриқонунӣ ишғолшуда” меномад. Москва чунин мешуморад, ки ин ҳудудҳо ба таври қонунӣ ба хайати СССР дохил шудаанд.
Моҳи марти соли 2022 ба далели таҳримҳое, ки дар вокуниш ба сар задани даргириҳо дар ҳамсоякишвари Русия эълон шуда буданд, Маскав аз идомаи музокирот дар бораи созиши сулҳ бо Токио худдорӣ кард. Мақомоти Русия Ҷопонро ба феҳрасти кишварҳои зидди сиёсати хеш шомил карда, созишномаҳоро дар бораи боздиди осонтари шаҳрвандони Ҷопон – сокинони собиқи ин ҷазираҳо ба ҷазираҳои Курил ва ҳамчунин дар бораи ҷорӣ кардани низоми бидуни раводид барои япониҳо дар Курил лағв карданд.
Дар моҳи декабр Сергей Лавров, вазири умури хориҷаи Русия гуфт, ки Русия бо дигар кишварҳо, аз ҷумла Ҷопон, баҳси ҳудудӣ надорад: “Ҳама баҳсҳои ҳудудӣ ҳал шудаанд, онҳо инро хуб дарк мекунанд”. Сафорати Япония дар ҷавоби ин изҳор намуд, ки:
“Гуфтушунид оид ба бастани сулҳнома то вақтҳои охир маҳз аз он сабаб давом кард, ки мушкилии ҳудуди байни кишварҳои мо то ҳол ҳалли худро наёфтааст”. Дипломатҳо қайд карданд, ки Токио ба бастани созишнома ниёз дорад, чун онҳо ҷазираҳои Курилро заминҳои аҷдодии хеш медонанд.
Яҳё МАҲМАДНАБИЕВ, “ҶТ”