Аз 15 то 19 августи соли равон, бо ташаббуси Иттифоқи журналистони Тоҷикистон ва дастгирии Дастгоҳи иҷроияи Президенти Ҷумҳурии Тоҷикистон корвони журналистон иборат аз 20 нафар ба навоҳии водии Рашт сафар намуд.

Журналистон давоми панҷ рӯз бо вазъи рӯзгори мардум дар шаҳру ноҳияҳои Роғун, Нуробод, Рашт, Тоҷикобод ва Лахш ошно мегарданд.

Тавре Зинатуллоҳ Исмоилзода, раиси Иттифоқи журналистони Тоҷикистон иброз дошт, ин дуюмин корвони рӯзноманигорон ба музофоти кишвар аст. “Дар арафаи ҷашни Рӯзи Ваҳдати миллӣ журналистони ҷумҳурӣ бо як сафари панҷрӯза ба шаҳру ноҳияҳои вилояти мухтори Кӯҳистони Бадахшон рафта буданд,- гуфт З. Исмоилзода.

Дар назар аст, ки дар баробари ошноӣ бо вазъи минтақа, рӯзи 19 август дар маркази ноҳияи Рашт бо ҳузури раисони ҳукуматҳои навоҳии водии Рашт, журналистони минтақа ва аҳли корвон мизи мудаввар таҳти унвони «Воситаҳои ахбори оммаи Тоҷикистон: имконият, воқеият ва дурнамо» доир гардида, дар он вазъи нашрияҳои музофотӣ баррасӣ мешавад.

ҶАВОНОНИ ТОҶИКИСТОН