Президенти ҷумҳурӣ Эмомалӣ Раҳмон ба Сарвазири Ҷопон Синдзё Абэ барқияи тасаллият ирсол намуд, ки дар он аз ҷумла омадааст:

“Ҷаноби Олӣ, хабари ҳузнангези силсилаи заминларзаҳои шадидро дар кишвари Шумо, ки боиси ҳалокат ва ҷароҳат бардоштани теъдоди зиёди одамон шуда, харобиҳои зиёдеро ба бор овардаанд, бо андӯҳи бузург дарёфтам.

Дар ин лаҳзаҳои барои мардуми дӯсти Ҷопон сангин ҳамдардии амиқи инҷонибро ба пайвандон ва наздикони қурбониёни ин офати  табиии фоҷеабор ирсол дошта, барои ҳамаи осебдидагон шифои комил хоҳонам”.

Дар натиҷаи заминларзаи рӯзҳои панҷшанбе ва шанбеи ҳафтаи гузашта дар ҷазираи Кюсюи Ҷопон 40 нафар ҳалок, ҳазорҳо нафари дигар маҷруҳ шуданд.