Хадамоти соҳилбонии Италия хабар додааст, зиёда аз шаш ҳазор муҳоҷирро, ки дар 39 қайиқ ба соҳили Аврупо шино мекарданд, аз марг наҷот додаанд. Ба иттилои ин хадамот, дар наздикии ҷазираи Лампедузаи Италия 9 муҳоҷир фавтида, як зани ҳомила дар бемористон бистарӣ шудааст.

Амалиёти наҷотдиҳии муҳоҷироне, ки 3 октябр наҷот дода шуданд, дар давоми чанд моҳи охир калонтарин унвон шудааст. Наҷотдиҳандагон аз як қайиқи резинӣ 725 муҳоҷирро берун овардаанд.

Наздики се сол пеш дар наздикии ҷазираи Лампедуза як киштии ҳомили муҳоҷирон ғарқ шуд, ки дар натиҷа 386 муҳоҷир ҷон бохт. Ба иттилои Созмони ҷаҳонии муҳоҷират, аз ибтидои соли ҷорӣ 132 ҳазор муҳоҷир ба соҳили Италия расида, наздики 3 ҳазори дигар дар роҳи баҳрӣ фавтидаанд.