Имрӯз, 13 октябр, Ассамблеяи генералии СММ бо тавсияи Шӯрои амнияти созмон бе овоздиҳӣ собиқ комиссари олии СММ оид ба гурезаҳо Антониу Гутерришро аз Португал аз 1 январи соли 2017 котиби генералии СММ таъин кард.

Антониу Гутерриши 67-сола дар ин вазифа Пан Ги Мунро, ки ду навбат СММ-ро роҳбарӣ мекард, иваз мекунад.

Котиби нави генералии СММ барои панҷ сол бо ҳуқуқи интихоб шуданаш дар давраи дуюм интихоб гардид. Рафти овоздиҳӣ барои роҳбари нави СММ моҳи июл оғоз гардида буд. Барои ин вазифа номзадии 13 нафар, аз ҷумла 7 зан пешниҳод шуда буд. Интихобот дар шаш давр бо овоздиҳии пушида гузашт, ки дар натиҷа Гутерриш ягона номзад монд.

Антониу Гутерриш соли 1949 дар Лиссабон таваллуд шудааст. 1995-2002 Сарвазири Португал ва аз июни 2005 то январи 2016 комиссари олии СММ оид ба гурезаҳо буд.