Вазири корҳои хориҷии Ҷумҳурии Тоҷикистон бо сафири Шоҳигарии Нидерланд дар баробари баррасии дигар масъалаҳо, инчунин вазъ дар Ҷумҳурии Афғонистонро низ баррасӣ намуданд.

Дар ин бора Вазорати корҳои хориҷии кишвар иттилоъ дод.

Ба иттилои манбаъ, ҷонибҳо 1- уми май Вазири корҳои хориҷии Ҷумҳурии Тоҷикистон Сироҷиддин Муҳриддин ва Сафири Шоҳигарии Нидерланд Нико Шермерс бо ҳам мулоқот намуданд. Зимни мулоқот сатҳи ҳамкориҳои ду кишвар густариши он баррасӣ гардидааст.

- Ҷонибҳо ҳамчунин доир ба масъалаҳои амният дар минтақа, авзоъ дар Афғонистон ва ҳамчунин таҳдиду чолишҳои муосир, аз қабили тағйири иқлим ва паёмадҳои онҳо табодули назар карданд,- зикр менамояд манбаъ.

Ҳамзамон гуфта мешавад, ки ҷонибҳо Конфронси сеюми байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028”,-ро ки 10-13 июни соли 2024 дар шаҳри Душанбе баргузор мегардад, қарори муҳим ва саривақтӣ шумориданд.