ҶАҲОН
Чоршанбе 26 Июн 2019 01:18
6037
Имрӯз, 7 июн, Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо донишҷӯёни тоҷики дар шаҳри Ставрополи Федератсияи Русия таҳсилкунанда мулоқот намуд. 

Дар мулоқот масъулини Кумитаи кор бо ҷавонон ва варзиш ва аъзоёни Маҳфили ҷавонони дар хориҷи кишвар таҳсилдошта иштироку суханронӣ намуданд.

Аҳтам Абдуллозода, раиси Кумита дар оғози мулоқот оид ба дастовардҳои Тоҷикистон, сиёсати давлатии ҷавонон дар Ҷумҳурии Тоҷикистон, дастгирии пайвастаи ҷавонон аз ҷониби Ҳукумат, ғамхории падаронаи Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон нисбати ҷавонон ибрози назар карданд. 

Гуфта шуд, ки дар раванди бархурди тамаддунҳо ва тарғиби ҳадафмандонаи баъзе аз гурӯҳҳои манфиатхоҳ аксар ҷавонони сайёра аз фарҳангу оини миллии худ канор мондаанд. Ҷавонони тоҷикро мебояд зиракии сиёсиро аз даст надода, дар ҳама ҳолат муҳофизи манфиатҳои миллату давлати худ бошанд.

Аҳтам Абдуллозода, раиси Иттифоқи ҷавонони Тоҷикистон аз донишҷӯён даъват ба амал оварданд, ки дар роҳи мубориза бар зидди терроризму экстремизм бетараф набошанд ва он ҷавононе, ки фирефтаи найрангҳои пасипардагии гурӯҳҳои манфиатхоҳ мешаванд, баҳри дар роҳи рост ва зиндагии осоишта баргаштани онҳо саҳмгузор бошанд.

- Шумо новобаста аз он ки дар хориҷ аз кишвар таҳсил доред, бояд пайгири сиёсати бунёдкоронаи Пешвои муаззами миллат бошед. Шарофати Истиқлолияти давлатӣ ва сиёсати ҷавонпарваронаи Пешвои миллат аст, ки шумо дар пешрафтатарин давлатҳои ҷаҳон таҳсили илм намудаистодаед. Ҳар яки шумо бояд бо рафтору гуфтор ва донишу ҷаҳонбинии худ намунаи ибрати дигарон бошед. Зеро дар симои шумо фарҳанги волою кадимаи миллати тоҷикро баҳо медиҳанд. Шуморо зарур аст, ки бо аз худ кардани касбҳои гуногун, мукаммал намудани донишҳои замонавӣ ба Ватан баргашта, кору фаъолият намоед. Ин мешавад, амали хайри Шумо дар ҷавоб ба ғамхориҳои Пешвои миллат - гуфт Аҳтам Абдуллозода.

Дар идома Закиров Зиёдулло, роҳбари Маҳфили ҷавонони дар хориҷи кишвар таҳсилдошта оид ба фаъолияти маҳфил ҳисобот дод.

Ҷавонон бо ҳисси баланди ватандӯстӣ ба Пешвои миллат барои дастгириҳои пайваста изҳори миннатдорӣ намуда, ваъда доданд, ки бо рафтори намунавӣ пайрави асили Пешвои миллат гардида, дар оянда баҳри пешрафти кишвар саҳми худро мегузоранд.

Дар охир миёни ҳозирин саволу ҷавоб доир гардида, донишҷӯён ба саволҳои худ посухи мушаххас гирифтанд. 

Шодихони НАЗАР, шаҳри Ставрополи Федератсияи Русия

03.gif02.gif04.gif

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.