ФАРҲАНГ
Шанбе 20 Апрел 2024 06:54
8618
Имрӯз дар идомаи аксияи тақдими китоб, ки бо ибтикори рӯзномаи “Ҷавонони Тоҷикистон” дар якҷоягӣ бо Раёсати кор бо ҷавонон ва варзиши шаҳри Душанбе гузаронида шудаистодааст, нусхаҳои китоби “Душанбе - ганҷе дар қалби Осиё” ба китобхонаҳои пойтахт ҳадя карда шуд.

Дар идомаи аксия имрӯз ба Муассисаи давлатии Китобхонаи миллии Тоҷикистон, китобхонаи шаҳрии ба номи А. Лоҳутӣ, китобхонаи бачагонаи ба номи М. Миршакар ва маркази ISBN китоби “Душанбе - ганҷе дар қалби Осиё” тақдим гардид.

Untitled-иааи1.jpg

Роҳбарияти китобхонаҳо, ки китобҳо бевосита ба эшон супорида шуд, аксияи мазкурро идомаи мантиқии сиёсати маорифу фарҳангпарваронаи Асосгузори сулҳу ваҳадти миллӣ – Пешвои миллат муҳтарам Эмомалӣ Раҳмон унвон карда, инро иқдоми беҳтарин арзёбӣ карданд.

Untitled-ааа.jpg

Ёдовар мешавем, ки китоби “Душанбе - ганҷе дар қалби Осиё”, ки аз ҷониби Муассисаи давлатии рӯзномаи “Ҷавонони Тоҷикистон” дар мувофиқа бо Мақомоти иҷроияи ҳокимияти давлатии шаҳри Душанбе таҳия гардида, нашр шуд.

Китоб маҷмӯи очерку мақолаҳоеро фарогир аст, ки дар доираи як озмуни ҷумҳуриявии рӯзномаи “Ҷавонони Тоҷикистон” ва Раёсати кор бо ҷавонон ва варзиши шаҳри Душанбе ҷамъоварӣ шудаанд. Ин озмун давоми соли 2021 ба муносибати пойтахти фарҳангии ИДМ интихоб шудани шаҳри Душанбе дар соли 2021 таҳти унвони “Душанбе – ганҷе дар қалби Осиё” идома пайдо кард ва дар арафаи таҷлили чорабинии ҷамъбастии “Душанбе – пойтахти фарҳангии иттиҳод – 2021” ҷамъбаст гардид.
Дар маҷмӯа мақолаҳои олимон, сиёсатмадорон, журналистони касбӣ, донишҷӯён ва аҳли зиёи кишвар гирдоварӣ шудааст

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.