Бо иқдоми Бахши кор бо ҷавонон ва варзиши мақомоти иҷроияи маҳаллии ҳокимияти давлатии шаҳри Қӯрғонтеппа дар боғи фарҳангии ба номи Раҳмон Мӯрчаеви шаҳри Қӯрғонтеппа озмуни рассомони наврас таҳти унвони «Тоҷикистон-кишвари афсункор» доир гардид.

Мақсад аз ташкили озмун эҳё ва рушди санъати рассомӣ, дарёфту дастгирии рассомони наврасу ҷавон ва ҳавасманд гардонидани онҳо мебошад.

Тибқи низомномаи озмун иштирокчиён давоми як соати дар ихтиёрдошта, манзараҳои зебои Ватанро пешкаши ҳозирин намуданд.
   
Баъди хулосаи ҳакамон А. Сайфуллоев (аз литсейи давлатии №1) ҷойи якум, С. Хоҷиев (аз муассисаи таҳсилоти миёнаи умуми №2) мақоми дуюум ва Х. Эргашев, хонандаи муассисаи таҳсилоти миёнаи умумии №12 зинаи сеюмро ишғол намуд.

Ғолибон бо туҳфаҳои хотиравӣ ва диплом қадрдонӣ шуданд.

Умед Мирзоев, «ҶТ»