Дар қаламрави ҷумҳурӣ санаи 18 майи соли ҷорӣ баргузории “Рӯзи дарҳои кушоди осорхонаҳо” баргузор мегардад, ки сокинони кишвар метавонанд тамоми осорхонаҳои қаламрави ҷумҳуриро ройгон тамошо кунанд.

Ҳамзамон, санаи 18 май дар Осорхонаи миллӣ аз соати 18:00 то 22:00 чорабинии фарҳангӣ-фароғатии “Шабе дар осорхона” баргузор мегардад.

Иқдоми мазкур бахшида ба “Соли ҷавонон” аз ҷониби Кумитаи ҷавонон, варзиш ва сайёҳӣ дар ҳамкорӣ бо Вазорати фарҳанг ва Осорхонаи миллӣ, бо мақсади рушди туризми дохилӣ, ҷалби таваҷҷуҳи ҷомеа ба мероси таърихию фарҳангии кишвар, тақвияти ҳисси ватандӯстиву худшиносии миллӣ ва бедор намудани ифтихори ватандорӣ дар ниҳоди насли наврас ва ҷавон ба нақша гирифта шудааст.