ФАРҲАНГ
Душанбе 24 Июн 2024 02:58
10354
16 май зимни баргузории як озмун, ки барои муайян кардани тарабхонаҳои беҳтарини шаҳри Душанбе доир гардид, “Анзур” беҳтарин тарабхонаи пойтахт дониста шуд.

Дар ин бора аз дафтари матбуоти шаҳрдории Душанбе иттилоъ дод.

Ҳамчунин, гуфта мешавад, ки намояндагони тарабхонаҳои “Бухоро”, “Оилавӣ”, “9-Вал” , “Дидор”, “Султонбей”, “Насими баҳор”, “Парфенон”, “Яккачинор”, “Осмон”, ва “Шах” низ барои иштироки фаъолона аз сӯи роҳбарияти ноҳияҳои шаҳри Душанбе бо сипоснома ва туҳфаҳои хотиравӣ қадрдонӣ шуданд.

Мақсади баргузории озмуни мазкур рушду равнақ бахшидани соҳибкорӣ, дастгириву ҳавасмандгардонии соҳибкорон, беҳтаргардони сифати хизматрасонӣ ва муаррифии фарҳанги меҳмоннавозӣ арзёбӣ мегардад.

Ғолибон вобаста ба низомномаи озмуни “Беҳтарин тарабхонаи шаҳри Душанбе”, аз рӯи тарзи дастархонороӣ, тарзи хизматрасонии пешхизмат, муносибати пешхизматону масъулини тарабхонаҳо бо мизоҷон, тарзи дурусти оро додани дастархон бо маҳсулоти хӯрока ва истифодаи санъати баланди ороишӣ ва ғояҳои мухталифи сарошпаз ва дигар нишондодҳо муайян гардиданд.

Эзоҳи худро нависед



Рамзҳо дар расм