Беҳтарин ҳунармандони ҷамоатҳои Нулванду Қалъаи Хуми ноҳия Дарвоз барои зиёда аз 200 нафар занон барномаи фарҳангӣ баргузор намуданд.

Талабшо Аламов, мудири Бахши кор бо ҷавонон ва варзиши ноҳия гуфт, ки чорабинии тантанавӣ бо дастгирии мақомоти иҷроияи маҳаллии ҳокимияти давлатӣ ва Бахши фарҳанги ноҳия гузаронида шуда, дар баробари он сокинони таҳҷоӣ молу маҳсулоти дастӣ, ҳунарҳои мардумӣ, аз қабили омода кардани савғотӣ, либосҳои мӯинадор, мӯҳрабофию гулдӯзӣ, қолинбофӣ, намунаи асбобҳои мусиқӣ ва таомҳои миллиро ба маърази тамошо гузоштанд.

Бояд қайд кард, ки чорабинӣ ба ифтихори Рӯзи умумиҷаҳонии бонувону “Соли рушди сайёҳӣ ва ҳунарҳои мардумӣ” дар маркази ноҳия доир гардида, дар дигар ҷамоатҳои ноҳия низ чорабиниҳои гуногун ташкил карда мешаванд.