Бо ибтикори Вазорати фарҳанги Ҷумҳурии Тоҷикистон, бо мақсади рушди фаъолияти ансамблҳои оилавӣ, дарёфти чеҳраҳои нав, ҷалби ҳарчи бештари мардуми кишвар ба фарҳангу санъат Фестивали ҷумҳуриявии ансамблҳои оилавӣ таҳти унвони «Дунёи саодат», ки моҳи майи соли 2017 оғоз шуда буд, рузӣ 5 июл дар Филармонияи давлатии Тоҷикистон ба номи Акашариф Ҷӯраев ҷамъбаст гардид.

Дар барнома ансамблҳои оилавие, ки дар даври аввал ғолибият ба даст оварда буданд, ҳунари худро манзури тамошобинон гардонданд.

Дар даври аввал 51 ансамбли оилавӣ аз ноҳияҳои тобеи марказ, вилояти Суғд, Хатлон ва ВМБК иштирок намуда, дар натиҷа 10 ансамбли оилавӣ ба даври ҷамъбастӣ роҳ ёфтанд.

Ансамблҳои оилавии шаҳри Кӯлоб ва ноҳияи Қубодиён, ансамблҳои оилавии ноҳияҳои Лахш, Файзобод, Нуробод, Ҳисор, шаҳри Турсунзода, вилояти Мухтори Кӯҳистони Бадахшон, ноҳияҳои Ишкошиму Мурғоб ва ансамбли оилавии ноҳияи Мастчоҳ аз љумлаи ѓолибони фестивал мебошанд.

Дар фарҷоми чорабинӣ ғолибон ва иштирокдорони фаъоли ҷашнвора бо туҳфаю ифтихорнома ва нишони сарисинагии «Аълочии фарҳанги Тоҷикистон» қадрдонӣ карда шуданд.

Умед Мирзоев, “ҶТ”