Дар ноҳияи Ховалинг ҳангоми кофтукобҳои археологӣ аз ҷониби ходимони илмии Институти таърих, бостоншиносӣ ва мардумшиносӣ ба номи А. Дониш АИҶТ дар қаламрави ноҳия 59 ёдгориҳои таърихию меъморӣ ёфт гардидааст.

Тавре директори осорхонаи таърихи кишваршиносӣ ноҳияи Ховалинг Саидзода Амирхон иттилоъ дод:"Аз ёдгориҳои ёфтшуда 5 оромгоҳ, 11 қалъа, 5 бошишгоҳҳои одамони ҷомеъи ибтидоӣ, 2 ҳавзи табиӣ, 3 таҳҷои деҳаи кулолгарон, 1  дарвозаи шаҳри Мунк, 1 тупхона, 1 зиндони Арзаниён ва Шоҳон, 1 боғи тахти шаҳидон, 2  хонаи зеризаминӣ ёфт гардидааст"

Дар мавзеъҳои Ховалинг ҳафриётҳо солҳои ‎2015 - 2016 гузаронида шудааст. Гуфта шуд, ки дар айни бозёфтҳои таърихии шаҳраки қаддима пораҳои зиёди зарфҳои сафолӣ, гаҷкориҳо ва лавозимот барои ғаллакубӣ ёфт гардидааст.

Айни ҳол дар осорхонаи ноҳияи Ховалинг теъдоди 3750 - нигораҳои таърихӣ нигоҳ дошта мешаванд, ки ҳамарӯза сайёҳони дохилу хориҷ аз ин нигораҳо дидан мекунанд.

Исломи Раҷабалӣ