ФАРҲАНГ
Панҷшанбе 21 Ноябр 2019 07:05
1982
Мушоҳидаҳо нишон медиҳанд, ки ханда ва табассум боиси рафъи хастагӣ мешавад ва сурати одамро зебо месозад. Инчунин ханда таҳаммули дардҳои ҷисмониро осонтар месозад. Таҷрибаҳо нишон медиҳанд, ки 5 дақиқа хандаи аз таҳти дил муҷиби панҷ соат таскини дард мешавад.

Бо дидани рекламае, ки дар оинаи нилгун нишон медоданд, хеле хурсанд шудем. Дар он гуфта мешуд, ки “27 ноябр, соати 16:00 дар Филармонияи давлатии Тоҷикистон театр студияи “Коно, Гулбаҳор ва Доно” бо номи “101 кило ханда” доир мегардад. Гурӯҳи “Ғарибшо” ҳамчун меҳмон дар он баромад мекунад”. Ин гуна намоишҳо, ки хеле кам баргузор мешаванд, мухлисони зиёд доранд. Мо ҳам тасмим гирифтем, барномаро тамошо кунем. Хонаводаи мо, ки мухлиси ҳаҷву ханда ҳастанд, ба сардии ҳаво нигоҳ накарда, соати 15:30 ҳамроҳи апаам ба Филармонияи давлатӣ расидем. Чипта харидорӣ карда, дохил даромада, ҷойҳоямонро гирифтем. Толор пур аз тамошобин буд. Маълум мешавад, ки бисёре аз мухлисон барвақттар аз мо омадаанд. Дар толори хунуки филармония боз ним соати дигар интизор шудем. Ҳеҷ не ки барнома оғоз шавад. Дар ҳоле ки бояд барнома соати 16:00 оғоз мешуд, вале бо кадом сабабе соати 17 барномаро оғоз намуданд.

Аҳли толор, ки ташнаи ханда буданд, бо кафкӯбӣ онҳоро пешвоз гирифтанд. Тақрибан як соати барнома гузашта буд, ки барқ хомӯш шуд. Толори филармония ба торикистон табдил ёфт. Гумон кардем, ки дарҳол масъулини он барқро дар гиронда, давоми барномаро пешкаш мекунанд. Аммо мутаассифона дар ин даргоҳи муқаддас на генератор вуҷуд доштаасту на касе парвои бебарқиро дошт.

Ҳамин тавр, ним соат зиёдтар мо интизори барқ шудем. Хайрият, ки тамошобинон телефонҳои мобилӣ доштанду равшанӣ медоданд, то кӯдакону наврасон натарсида аз толор берун шаванд. Мардум шикояткунон ба берун баромаданд. Дар ҳоле ки билетро бо нархи 30, 50 ва ҳатто 60 сомонӣ харида буданд. Масъулини чорабинӣ бояд баромад карда, барномаро ба таъхир мегузоштанд ва мегуфтанд, касоне, ки чипта доранд, пагоҳ омада, давоми барномаро тамошо кунанд. Чунки мардум аз нони даҳонашон зада, билет харидорӣ кардаанд. Дар ин давраи буҳрони иқтисодӣ 50-60 ва ё 30 сомонӣ пули кам нест. Вале ин хел нашуд.

Мо ҳам аз хунукӣ ларзида, маҷбур шудем баъди ним соати интизорӣ аз толор бароем. Ба гуфти Имом Содиқ (а) «Хушҳол кардани муъмин аз 10 ҳаҷ боарзиштар аст». Аммо хафа кардани муъминон чӣ?

Басгул САФАРЗОДА, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.