ФАРҲАНГ
Якшанбе 08 Сентябр 2024 07:35
![5200](/upload/iblock/0b7/%D0%A4%D0%A7%D0%A4%D0%A7%D1%87.jpg)
Дар Китобхонаи миллии Ҷумҳури Тоҷикистон дар мавзӯи “Публисистикаи Саломиддин Мирзраҳматов-муаррифгари чеҳраҳои таърих ва сиёсӣ” мизи мудаввар бо иштироки раиси Иттифоқи нависандагони кишвар Низом Қосим, роҳбари дастгоҳи КИМ ҲХДТ Абдураҳмон Хонов, нависанда ва публитсист Бахтиёр Муртазоев, директори МТЖТ Хуршед Ниёзов, рӯзноманигор ва драманавис Ҷумъа Қуддус ва дигар нависандагону рӯзноманигорон баргузор гардид.
Сармуҳарррири ҳафтаномаи “Минбари халқ” Бахтиёр Ҳамдамов зимни ифтитоҳи конференсия оид ба кору фаъолият ва эҷодиёти рӯзноманигор ва публитсист Саломиддин Мирзораҳматов, ки феълан хориҷ аз кишвар, дар Қазоқистон кору фаолият дорад, маълумот дода, ӯро ҳамчун эҷодкори оташинқаламу ватандӯст унвон намуд. Мавсуф маҷмӯаи мақолаҳои публитсистии Саломиддин Мирзораҳматовро бо номи “Оинаи каҷнамои демократияи тоҷик” муаррифӣ намуд. Китоби мазкур дар бораи ҳақиқати талхи зиндагии қаҳрамонҳо-иштирокчиёни ҳодисаҳои фоҷиабори солҳои 90-уми асри гузашта нақл мекунад.
Ҳамчунин директори МТЖТ Хуршед Ниёзов дар мавзӯи “Нақши рӯзноманигорони бурунмарзии тоҷик дар рушди журналистика”, нависанда ва публисист Бахтиёр Муртазоев “Алома Бобоҷон Ғафуров ва сарнавишти шогирдони ӯ”, ва рӯзноманигор ва драманавис Ҷумъа Қуддус “Далелҳои таърихӣ дар публисистикаи С. Мирзораҳматов”, маърӯза намуданд.
Дар фарҷом миёни иштирокчиёни конфронс суолу ҷавоб сурат гирифт.
Қайд кардан ба маврид аст, ки конференсия мазкур бо ташаббуси Кумитаи иҷроияи марказии ҲХДТ ва ҳафтаномаи “Минбари халқ” баргузор карда шуд.
Сармуҳарррири ҳафтаномаи “Минбари халқ” Бахтиёр Ҳамдамов зимни ифтитоҳи конференсия оид ба кору фаъолият ва эҷодиёти рӯзноманигор ва публитсист Саломиддин Мирзораҳматов, ки феълан хориҷ аз кишвар, дар Қазоқистон кору фаолият дорад, маълумот дода, ӯро ҳамчун эҷодкори оташинқаламу ватандӯст унвон намуд. Мавсуф маҷмӯаи мақолаҳои публитсистии Саломиддин Мирзораҳматовро бо номи “Оинаи каҷнамои демократияи тоҷик” муаррифӣ намуд. Китоби мазкур дар бораи ҳақиқати талхи зиндагии қаҳрамонҳо-иштирокчиёни ҳодисаҳои фоҷиабори солҳои 90-уми асри гузашта нақл мекунад.
Ҳамчунин директори МТЖТ Хуршед Ниёзов дар мавзӯи “Нақши рӯзноманигорони бурунмарзии тоҷик дар рушди журналистика”, нависанда ва публисист Бахтиёр Муртазоев “Алома Бобоҷон Ғафуров ва сарнавишти шогирдони ӯ”, ва рӯзноманигор ва драманавис Ҷумъа Қуддус “Далелҳои таърихӣ дар публисистикаи С. Мирзораҳматов”, маърӯза намуданд.
Дар фарҷом миёни иштирокчиёни конфронс суолу ҷавоб сурат гирифт.
Қайд кардан ба маврид аст, ки конференсия мазкур бо ташаббуси Кумитаи иҷроияи марказии ҲХДТ ва ҳафтаномаи “Минбари халқ” баргузор карда шуд.
Эзоҳи худро нависед