ФАРҲАНГ
Чоршанбе 12 Декабр 2018 06:20
4111
Субҳи 21 март мардуми ноҳияи Рӯдакӣ бо шодию нишот ба самти маркази ноҳия – шаҳраки Сомониён шитоб мекарданд. Хурду бузургро таҷлили ҷашни аҷдодӣ – Наврӯз ба як ҷо ҷамъ мекард. Онҳо либосҳои идона ба бар карда, дар даст овезаҳои ифодагари иди Наврӯз, дар лабонашон табассум ба даромадгоҳи шаҳраки Сомониён ҷамъ мешуданд.

Дар Наврӯзи имсола ид болои ид шуд. Зеро дар ин рӯзи хуҷастапай Маҷмаи “Давлати Зафар” кушода шуд. Ин бинои муҳташам аз ҷониби марди саховатманд Давлати Зафар бунёд карда шуда, ба ихтиёри сокинон барои истифода дода шуд.

Дар оғози ҷашн раиси ноҳия Муҳаммадраҳим Юсуфӣ тамоми меҳмонон ва иштирокдоронро ба ҷашни Наврӯз муборакбод гуфт: “Шоистаи таҳсин ва ифтихор аст, ки мо дорои чунин як ҷашни бузург ҳастем. Аз ин майдону минбари идона тамоми мардуми шарифи Тоҷикистон, махсусан мардуми ноҳияи Рӯдакиро ба ифтихори ҷашни бузурги миллӣ - Наврӯзи муборакқадам ва хуҷастапай самимона табрик мегӯям”.

Сипас, вазири тандурустӣ ва ҳифзи иҷтимоӣ Олимзода Насим Хоҷа, мудири Бахши кор бо ҷавонон ва варзиши ноҳия Абдулло Сатторӣ, мутахассиси мақомоти иҷроияи ҳокимияти давлатии ноҳия Фирӯза Камолзода дар бораи файзу футуҳ ва фазилатҳои Наврӯз суханронӣ намуданд.

Дар ин ҳамоиши ба ҷашни Наврӯз бахшида шуда 5 ҳазор нафар аҳли ҳунар, 10 нафар сайёҳи хориҷӣ, вакилони раёсати кишоварзӣ, Тоҷикматлубот, кӯмаки аввалияи тиббӣ-санитарӣ, СЭС, беморхонаи марказӣ, Коллеҷи “Нури тиб”, дар маҷмӯъ зиёда аз 12 ҳазор сокинони 16 ҷамоатҳои деҳоти ноҳия иштирок намуда, дар он беҳтарин намунаҳои меҳнати дастӣ ва касбӣ, дастархони идонаи ҳафтсину ҳафтшин пешкаши мардум гардонида шуд.

Муҳаммад САИДОВ

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.