26 майи соли равон дар толори фарҳангии Донишгоҳи давлатии Кӯлоб ба номи Абӯабдуллоҳи Рӯдакӣ мизи мудаввар дар мавзӯи "Оила - нахустин мактаби рӯзгор " бо иштироки донишҷӯёни факултетҳои донишгоҳ баргузор гардид.

Дар семинари мазкур Сайёра Маҳмадова, мутахассиси Раёсати ҷавонон, варзиш ва сайёҳии вилояти Хатлон ва Эмомалӣ Набиев, кормади раёсати мазкур иштирок ва суханронӣ намуданд.

Мақсад аз ташкил ва ба роҳ мондани ин ҷамъомад омода намудани оилаҳои ҷавон ба ҳаёти мустақилона ва пешгирии сабабҳои пошхурии оилаҳои ҷавон шуморида шуд.

Сайёра Маҳмадова, зимни суханрониаш оиларо нахустин ячейкаи давлат номида, сабабҳои ҷудошавии оилаҳои ҷавонро ба ҳозирин гуфт:
- Дониши казоӣ надоштан, муҳоҷирати меҳнатӣ, норасоии рӯзгор, хушунатҳои байниҳамӣ аз сабабҳои аслии ҷудошавии оилаҳои ҷавон аст.

Баҳри пешгирии ин мушкилиҳо тадбирҳои зарурӣ бояд андешида шавад,-афзуд ӯ.

Дар фарҷом масуъилин ва донишҷӯён дар мавзӯи мазкур саволу ҷавоб намуданд.

Исломи Раҷабалӣ