26 январи соли ҷорӣ дар Маркази фарҳангии ҷумҳуриявии ҷавонон “Ориёно” бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бахшида ба “Соли ҷавонон” даври ниҳоии озмуни ҷумҳуриявӣ таҳти унвони “Таронаҳои донишҷӯӣ” бо иштироки ғолибони даври аввали озмун аз тамоми минтақаҳои ҷумҳурӣ баргузор гардид.

Озмуни мазкур бо мақсади баланд бардоштани маърифати фарҳангии ҷавонон ба воситаи суруду таронаҳои дилангез, дарёфти истеъдодҳои нав аз ҳисоби донишҷӯёни муассисаҳои таълимӣ, ки маҳорати хуби сарояндагӣ дорад ва бар ин васила омӯзиши осори пурғановати шоирону нависандагони тоҷику форс, бедорсозии ҳисси ватандӯстиву хештаншиносии миллӣ дар ниҳоди насли ҷавон ва фаъолнокии онҳо дар ҳаёти муосири ҷомеа баргузор шуда, дар он зиёда аз 20 нафар донишҷӯён аз тамоми муассисаҳои таҳсилоти олии касбии ҷумҳурӣ ширкат намуданд.

Иштирокчиён дар васфи Ватан - Модар, аз рӯи жанрҳои фалак, шашмақом, опера, ҷаз, рок, поп ва ғайра сурудхонӣ намуданд.

Аъзои ҳакамони озмунро намояндагони Кумитаи ҷавонон, варзиш ва сайёҳӣ, Вазорати фарҳанг, Кумитаи телевизион ва радио, Иттифоқи нависандагон, Иттифоқи композитерон, Филармонияи давлатии Тоҷикистон ташкил медоданд.

Ғолибони озмун ба таври зайл муайян гардиданд:

Ҷойи аввал: Комрони Ҳошим – донишҷӯи курси 4-уми Консерваторияи
Тоҷикистон ба номи Т.Сатторов.

Ҷойи дуюм: Зайнаби Файзулло – донишҷӯи курси 3-юми Донишгоҳи
давлатии тиҷорати Тоҷикистон
Фирдавс Сангинов – донишҷӯи курси 3- юми Донишгоҳи
давлатии ҳуқуқ, бизнес ва сиёсати
Тоҷикистон
Ҷойи сеюм:Розия Саидзода – донишҷӯи курси 2- юми Донишгоҳи
давлатии шаҳри Кӯлоб ба номи А.Рӯдакӣ
Мануҷеҳр Орифзода – донишҷӯи курси 1 – уми Донишкадаи
давлатии забонҳои Тоҷикистон ба номи
С.Улуғзода

Ғолибони озмун дар вазъияти тантанавӣ бо дипломҳои дараҷавӣ ва дигар туҳфаҳои хотиравӣ сарфароз гардонида шуданд.

Шералӣ Ҷалолов,"ҶТ"