ФАРҲАНГ
Панҷшанбе 01 Декабр 2022 06:26
2824
Занону духтарони ҷамоати деҳоти Яккатути ноҳияи Абдураҳмони Ҷомӣ қолинҳои хушбофти форсии худро ба фурӯш мебароранд. Ин дукони қолинбофӣ аз тарафи соҳибкор Гулов Ёрмаҳмад соли 2014 ҳамчун як дукони омӯзишӣ ба фаъолият оғоз намуд ва қарор аст, ки маҳсули дасти онҳо ба фурӯш бароварда шавад.

Гуфта мешавад, ки ин амалӣ неки соҳибкор барои 35 - нафар занони хонашин дар ноҳия ҷои кор фароҳам овард.
Ширкати хусусии ҶДДМ "Гулвард" духтарони хонашинро ҷамъ оварда, ба онҳо тарзи бофтани қолинҳои форсӣ ё эрониро меомӯзонад. Духтарони қолинбоф мегӯянд, ҳоло бофтани қолинҳоеро аз худ кардаанд, ки мувофиқ ба меъёрҳои ҷаҳонӣ буда, аз қолинҳои воридотии Эрон нисбатан арзонтар аст.

-Барои аз худ кардани ҳунари қолинбофӣ ба духтарони тоҷик, эрониҳо ба Тоҷикистон омадаанд ва мегӯянд, ки бовар доранд рӯзе аз Тоҷикистон ҳам қолини воқеии форсӣ ба хориҷ содир мешавад, - гуфт Соҳиба Тошпулотова, мудири коргоҳи қолинбофи дар ноҳияи Абдураҳмони Ҷомӣ.

Муҳаммадризо Меҳрпарвар, як тоҷир ва қолибофи эронӣ, ки як сол беш ба духтарони тоҷик ин ҳунарро омӯзонидааст, гуфт, ки “духтарон салиқа ва фаҳми хубе доштанд, ки санъати қолинбофиро дар мудати кӯтоҳ аз худ карданд. Қаблан имконоти қолинбофи буд, аммо мутобиқ ба страндарти ҷаҳонӣ набуд. Баъд аз соҳиб шудани ин меъёр, ба кор шурӯъ кардем ва қолинҳо ба талаботи ҷаҳонӣ ҷавобгу омода сохтем.”

Қолинбофӣ кори сахту заҳматталаб аст, вале муҳим бароямон доштани ҷойи кор ва манбаи даромад мебошад, - мегуянд ҷавондухтарони корхона.
Як сол пеш хонашин будам, ҳоло бошад коргари пешбар ҳастам ва шогирд ҳам дорам. Зиёда аз ду сол дар инҷо фаъолият мекунам ва беш аз 20 шогирд омода кардаам, ки худашон мустақилона кор мекунанд. Қолинбофӣ барои духтарон шуғли муносиб аст ва метавонанд, ки бо ин роҳ ба хонаводаи худ кӯмак кунанд, - иброз дошт Зулайхо Холматова, яке аз қолинбофони корхона.

Ҳоло ҳадафи аслӣ ёд додани қолибофӣ ба духтарон он аст, ки қолинҳои босифати хуб пешкаши харидорон кунанд. Вале то кунун ҳамин шогирдон 7 қолини зебо бофтаанд, ки аз қолинҳои дастбофи Эрон ҳеҷ фарқият надоранд. Дар чанд соли ахир дар вилояти Хатлон қолинбофӣ дар ҳоли рушд қарор дорад, ки қолинҳои мухталифи маҳаллӣ бофта мешавад.

Умед Мирзоев, "ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Декабр 2022 c.