ФАРҲАНГ
Якшанбе 08 Сентябр 2024 04:54
![5626](/upload/iblock/c98/%D1%84%D1%8B%D0%B2%D1%81%D1%84%D1%8B%D1%81%D1%84%D1%8B%D1%81.jpg)
Бахшида ба ҷашни Наврӯзи байналмилалӣ имрӯз-29 март, дар Пажӯҳишгоҳи илмӣ-таҳқиқотии фарҳанг ва иттилооти Вазорати фарҳанг бо иштироки васеи ходимони илмӣ, кормандони Пажӯҳишгоҳ ва намояндагони ВАО таҳти унвони “Ҷойгоҳи фарҳанги мусиқӣ дар таҷлили Наврӯз” конференсияи ҷумҳуриявии илмию назариявӣ баргузор гардид.
Шариф Комилзода, директори Пажӯҳишгоҳ, зимни суханони ифтитоҳии хеш ҷойгоҳи Наврӯзро, ки яке аз ҷашнҳои бошукӯҳ ва қадимтарини миллати тоҷик аст, дар рушди фарҳанги миллӣ хуб арзёбӣ карда, мусиқиро дар меҳвари асосии ин ҷашн номид.
“Мусиқӣ аз пайдоиши Наврӯз то инҷониб дар баргузории ин ҷашн нақши хосса дошта, мо муҳаққиқонро мебояд доир ба фалсафа ва ҳикматҳои мусиқии наврӯзӣ таҳқиқотҳо гузаронида, пешкаши ҷаҳониён гардонем”. - гуфт дар идомаи суханронии хеш Шариф Комилзода.
Кароматулло Раҳимов, номзади илмҳои санъатшиносӣ ва устоди ДДФСТ дар мавзӯи “Наврӯз ва истифодаи мусиқии халқӣ” маърӯза карда, проблемаи дар ҷашнҳои наврӯзӣ кам гаштани сурудҳои халқиро ба миён гузошт.
Ӯ аз ҷумла зикр кард, ки “солҳои охир дар ҷашнҳои наврӯзӣ истифодаи сурудҳои халқӣ хеле кам гаштаанд. Масалан жанри гуруғли, ки яке аз қадимтарин мусиқиҳои миллати мо буд ва дар ин ҷашнҳо сароида мешуд, имрӯзҳо умуман сароида намешавад. Барои эҳёи дигарбораи он санъатшиносону санъаткоронро зарур аст, камари ҳиммат банданд.”
Дар хотима миёни маърӯзачиён ва иштирокдорони конфронс мубодилаи афкор сурат гирифта, сипас намоиши китобҳои тозанашр таҳти унвони “Мусиқӣ ва Наврӯз дар даврони истиқлол” баргузор шуд.
Шариф Комилзода, директори Пажӯҳишгоҳ, зимни суханони ифтитоҳии хеш ҷойгоҳи Наврӯзро, ки яке аз ҷашнҳои бошукӯҳ ва қадимтарини миллати тоҷик аст, дар рушди фарҳанги миллӣ хуб арзёбӣ карда, мусиқиро дар меҳвари асосии ин ҷашн номид.
“Мусиқӣ аз пайдоиши Наврӯз то инҷониб дар баргузории ин ҷашн нақши хосса дошта, мо муҳаққиқонро мебояд доир ба фалсафа ва ҳикматҳои мусиқии наврӯзӣ таҳқиқотҳо гузаронида, пешкаши ҷаҳониён гардонем”. - гуфт дар идомаи суханронии хеш Шариф Комилзода.
Кароматулло Раҳимов, номзади илмҳои санъатшиносӣ ва устоди ДДФСТ дар мавзӯи “Наврӯз ва истифодаи мусиқии халқӣ” маърӯза карда, проблемаи дар ҷашнҳои наврӯзӣ кам гаштани сурудҳои халқиро ба миён гузошт.
Ӯ аз ҷумла зикр кард, ки “солҳои охир дар ҷашнҳои наврӯзӣ истифодаи сурудҳои халқӣ хеле кам гаштаанд. Масалан жанри гуруғли, ки яке аз қадимтарин мусиқиҳои миллати мо буд ва дар ин ҷашнҳо сароида мешуд, имрӯзҳо умуман сароида намешавад. Барои эҳёи дигарбораи он санъатшиносону санъаткоронро зарур аст, камари ҳиммат банданд.”
Дар хотима миёни маърӯзачиён ва иштирокдорони конфронс мубодилаи афкор сурат гирифта, сипас намоиши китобҳои тозанашр таҳти унвони “Мусиқӣ ва Наврӯз дар даврони истиқлол” баргузор шуд.
Эзоҳи худро нависед