11 майи соли равон дар хиёбони Исмоили Сомонии шаҳри Қӯрғонтеппа ифтитоҳи ботантанаи Рӯзҳои фарҳанги Ҷумҳурии Ӯзбекистон дар вилояти Хатлон баргузор гардид.

Меҳмононро дар даромадгоҳи шаҳр муовини раиси шаҳр Искандар Абдуллозода, раиси дастгоҳи шаҳри Қӯрғонтеппа Азим Назирзода, ва ҷавонон пешвоз гирифтанд.

Азим Назирзода, иброз дошт, ки Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон боиси боз ҳам мустаҳкам гардидани муносибатҳои ду кишвари ба ҳам дӯсту ҳамсоя хоҳанд гардид.

Роҳбари ҳайати расмии Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон Минҳоҷиддин Ҳоҷиматов, муовини якуми Вазири фарҳанги Ҷумҳурии Ӯзбекистон, ба аҳли толор ва намояндагони соҳаи санъат барои меҳмоннавозияшон миннатдорӣ байён намуд.

Дар охир сарояндагони шинохтаи ӯзбек - Севинч Мӯминова, Ғуломҷон Ёқубов, Маҳмуд Намозов, Анвар Собиров ва Ансамбли давлатии тарона ва рақси “Ӯзбекистон” дар дар театри мусиқӣ-мазҳакавии ба номи Атто Муҳаммадҷонови шаҳри Қӯрғонтеппа бо барномаи консертии худ хотири ҳозиринро болида гардониданд.

Умед Мирзоев, “ҶТ”