Имрӯз, 3-юми март дар факултети журналистикаи Донишгоҳи миллии Тоҷикистон маҳфили  навбатии “Нилуфари нур” дар мавзӯи  “Сулҳ” доир гардид. Саъдӣ Исматов, декани факултети журналистика зимни ифтитоҳи маҳфил изҳор дошт, ки рӯзноманигорон, хусусан кормандони эҷодии радиову телевизион дар инъикоси воқеаҳои солҳои 90-ум хеле фаъол буданд ва яке аз онҳо Шералӣ Мустафоқулов аст.

Шаҳноза Қурбонова, донишҷӯи факултет доир ба фаъолияти рӯзноманигории Шералӣ Мустафоқуллов дар Телевизиони Тоҷикистон  маърӯза намуда, аз хизматҳои шоистаи меҳмони маҳфил ёдовар шуд.

Шералӣ Мустафоқуллов, журналисти шинохтаи кишвар доир ба аҳамияти сулҳ барои миллати тоҷик ва нақши расонаҳои хабарии кишвар дар барқароршавии сулҳ миёни нерӯҳои мухолиф ва Ҳукумати конститутсионии Тоҷикистон бо донишҷӯён суҳбат намуда афзуд, ки саҳми ВАО дар ин самт хеле муҳим аст.  

Дар охир суҳбати озод бо донишҷӯён ҷараён гирифта, меҳмони маҳфил ба саволҳои онҳо посух дод.

Гулбаҳор РАҲМОНОВА