ФАРҲАНГ
Якшанбе 08 Сентябр 2024 07:38
![5605](/upload/iblock/59a/%D0%B2%D0%B8%D0%B2%D0%B0%D0%B8.jpg)
Дар Муассисаи давлатии “Қасри маданияти Арбоб”-и вилояти Суғд бо иштироки беш аз 11 000 нафар собиқадорони меҳнат, кормандони мақомоти давлатӣ, намояндагони шаҳру ноҳияҳои вилоят Иди байналмилалии Наврӯз ҷашн гирифта шуд.
Даромадгоҳи Муассисаи давлатии “Қасри маданияти Арбоб” ба базмгоҳи наврӯзӣ табдил ёфта, дар растаю хаймаҳои идона бо риояи анъанаҳои миллӣ суфраҳои наврӯзии ҳафт сину ҳафт шин ва таомҳои миллии хоси Наврӯз, шириниҳои миллӣ, суманак, маҳсулоти соҳаи саноат, ҳунарҳои мардумӣ, аз қабили қолинбофӣ, бофандагӣ, сӯзанидӯзӣ, кулолгарӣ, зардӯзӣ, қуроқдӯзӣ ва гаҳворасозӣ ба намоиш гузошта шуд.
Дар чорабинии идона муовини якуми Сарвазири Ҷумҳурии Тоҷикистон Давлаталӣ Саид ва Раиси вилояти Суғд Раҷаббой Аҳмадзода иштирок намуда, аз растаю хаймаҳои наврӯзӣ дидан карда, ба ҳунару истеъдоди ҳунармандон баҳои баланд доданд.
Давлаталӣ Саид, муовини якуми Сарвазири мамлакат зимни суханронии худ сокинони вилояти Суғдро аз номи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон табрик гуфта, иброз дошт, ки Наврӯзи хуҷастапай аз ҷашнҳои куҳани тоҷикон маҳсуб ёфта, дар солҳои соҳибистиқлолӣ суннатҳои хосаи наврӯзӣ эҳё гардиданд. Бо талошҳои Пешвои миллат муҳтарам Эмомалӣ Раҳмон Наврӯз дубора дар сархати ҷашнҳои миллии тоҷикон қарор гирифта, шукӯҳи он ҳамасола боло меравад.
Раҷаббой Аҳмадзода, раиси вилоят низ иштирокдорони чорабинӣ ва кулли сокинони вилоятро ба муносибати фарорасии Наврӯзи байналмилалӣ табрик намуда, таъкид кард, ки таҷлили бошукуҳи Наврӯзи фархундапай дар марҳилаи сифатан нави ҳаёти сиёсӣ, иҷтимоӣ ва фарҳангӣ, ҷиҳати омодагиҳо ба ҷашни мубораку муқаддаси 30-солагии Истиқлолияти давлатии Ҷумҳурии Тоҷикистон ва баланд бардоштани нуфузу эътибори кишвари азизамон мусоидат хоҳад намуд.
Дар интиҳои чорабинӣ барномаи рангину пурмуҳтавои фарҳангӣ пешкаши ҳозирин гардонида шуд.
Даромадгоҳи Муассисаи давлатии “Қасри маданияти Арбоб” ба базмгоҳи наврӯзӣ табдил ёфта, дар растаю хаймаҳои идона бо риояи анъанаҳои миллӣ суфраҳои наврӯзии ҳафт сину ҳафт шин ва таомҳои миллии хоси Наврӯз, шириниҳои миллӣ, суманак, маҳсулоти соҳаи саноат, ҳунарҳои мардумӣ, аз қабили қолинбофӣ, бофандагӣ, сӯзанидӯзӣ, кулолгарӣ, зардӯзӣ, қуроқдӯзӣ ва гаҳворасозӣ ба намоиш гузошта шуд.
Дар чорабинии идона муовини якуми Сарвазири Ҷумҳурии Тоҷикистон Давлаталӣ Саид ва Раиси вилояти Суғд Раҷаббой Аҳмадзода иштирок намуда, аз растаю хаймаҳои наврӯзӣ дидан карда, ба ҳунару истеъдоди ҳунармандон баҳои баланд доданд.
Давлаталӣ Саид, муовини якуми Сарвазири мамлакат зимни суханронии худ сокинони вилояти Суғдро аз номи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон табрик гуфта, иброз дошт, ки Наврӯзи хуҷастапай аз ҷашнҳои куҳани тоҷикон маҳсуб ёфта, дар солҳои соҳибистиқлолӣ суннатҳои хосаи наврӯзӣ эҳё гардиданд. Бо талошҳои Пешвои миллат муҳтарам Эмомалӣ Раҳмон Наврӯз дубора дар сархати ҷашнҳои миллии тоҷикон қарор гирифта, шукӯҳи он ҳамасола боло меравад.
Раҷаббой Аҳмадзода, раиси вилоят низ иштирокдорони чорабинӣ ва кулли сокинони вилоятро ба муносибати фарорасии Наврӯзи байналмилалӣ табрик намуда, таъкид кард, ки таҷлили бошукуҳи Наврӯзи фархундапай дар марҳилаи сифатан нави ҳаёти сиёсӣ, иҷтимоӣ ва фарҳангӣ, ҷиҳати омодагиҳо ба ҷашни мубораку муқаддаси 30-солагии Истиқлолияти давлатии Ҷумҳурии Тоҷикистон ва баланд бардоштани нуфузу эътибори кишвари азизамон мусоидат хоҳад намуд.
Дар интиҳои чорабинӣ барномаи рангину пурмуҳтавои фарҳангӣ пешкаши ҳозирин гардонида шуд.
Эзоҳи худро нависед