Давоми шаш моҳи аввали соли равон аз ҷониби Кумитаи давлатии идораи замин ва геодезии Ҷумҳури Тоҷикистон ва мақомоти он дар маҳал 7 ҳазору 330 ҳолати вайронкунии қонунгузории замин ошкор карда шудааст, ки майдони зиёда аз 20 ҳазор гектарро ташкил медиҳад.

Дар ин хусус имрӯз-29 июл Ориф Хоҷазода, раиси Кумитаи мазкур зимни нишасти хабарӣ иттилоъ дод.

Зикр гардид, ки нисбати 6 ҳазору 634 ҳолат парвандаҳои маъмурӣ тартиб дода шуда, ба маблағи 3 млн 992 ҳазору 371 сомонӣ қарорҳои ҷаримабандӣ қабул карда шуд, ки аз ин 2 млн 936 ҳазору 487 сомонӣ ва ё 74 фоиз ба суратҳисоби махсуси кумитаҳои идораи замин ворид гардидааст.

Ҳамчунин 5 ҳазору 188 ҳолати вайронкунии қонунгузории замин ва ё 70 фоиз дар маҳал бартараф карда шуда, ки зиёда аз 7 ҳазор гектар заминро дар бар мегирад.

Гулафшон КАРИМОВА, "ҶТ"