ИҚТИСОД
Сешанбе 24 Январ 2017 02:06
2147
Дар деҳаи Курговади ноҳияи Дарвоз як кон кашф шудааст, ки маъдани он барои тавлиди гилхоки алюминий истифода мешавад. То ҳол "Талко" - Ширкати алюминийи тоҷик - маҳсулоти зарурӣ барои тавлиди алюминийро аз хориҷи кишвар ворид мекунад.

Игор Сатторов, сухангӯи ширкати "Талко" гуфтааст, ин кон аз замони шӯравӣ маълум буд ва ҳамакнун дар чаҳорчӯби барномаи истифодаи маҳсулоти ватанӣ, тасмим гирифта шуд, ки дар ноҳияи Ёвон корхонаи тавлиди гилхоки алюминий сохта шавад. Ба гуфтаи вай, таркиби асосии гилхокро маъдани кашфшудаи оксиди алюминий дар кони Курговад ташкил медиҳад.

Ба гуфтаи ӯ, мушкили аслӣ интиқоли ин маъдан аз Дарвоз ба ноҳияи Ёвон аст, вале тарҳи интиқоли ин маъдан аз тариқи лӯлаҳо омода шудааст, ки арзиши маводи интиқолшударо ба маротиб поён мебарад.

Захираи маъдани оксиди алюминий дар кони Курговад 150 миллион тонна мебошад.

Эзоҳи худро нависед



Рамзҳо дар расм