Дар Вазорати нақлиёти Ҷумҳурии Тоҷикисон масъалаи кор накардани ҳавополо (кондитсионер)-ҳо дар нақлиёти ҷамъиятии дохили шаҳри Душанбе мавриди баррасӣ қарор гирифт.

Ин масъала имрӯз зимни нишасти ниҳоди мазкур матраҳ гардид.

Азим Иброҳим вазири нақлиёти кишвар ба рӯзноманигорон гуфт, гарчанде ин камбудӣ на дар ҳамаи воситаи нақлиёт дида мешавад, вале ин масъаларо дида мебарояд.

- Албатта, ин масъаларо барои корбарӣ қабул мекунем. Аммо на дар ҳамаи нақлиёт чунин камбудӣ аст, дар баъзе нақлиёти ҷамъиятӣ кондитсионерҳо кор мекунанд, - гуфт вазир.

Бояд гуфт, ки махсусан дар фасли гармо сокинони шаҳри Душанбе аз кор накардани кондитсионерҳо дар нақлиёти ҷамъиятӣ шикоят мекунанд.