Дар шаҳри Панҷакенти вилояти Суғд бузургтарин корхонаи коркарди тиллои тоҷик – “Зарафшон” баъди таъмир дубора ба фаъолият шурӯъ намуд.

Ин корхонаи муштараки Ҷумҳурии Тоҷикистон ва Ҷумҳурии мардумии Чин буда, дар он 30% Тоҷикистон ва 70% Хитой саҳмия дорад.

“Зарафшон” яке аз калонтарин корхонаи саноатии истихроҷи тиллои кишвар ба ҳисоб рафта, дар он хиштҳои тилло, баргак ва дигар намуди тилло омода мегардад. Гуфта мешавад, ки сохтмони корхонаи мазкур соли 2011 барои коркарди кони Тарор ба фаъолият пардохта, дар як шабонарӯз 2 ҳазор тонна маъданро коркард менамуд. Баъди азнавсозӣ аз соли 2020 инҷониб иқтидори коркарди шабонарӯзии корхона 3 ҳазор тоннаро ташкил медод.

Мавриди зикр аст, ки соли 2018 корхонаи “Зарафшон” 4,1 тонна тилло тавлид кардааст.